É o momento de loitar e non de pactar ningún tipo de retroceso!
A clase obreira non é responsable en absoluto da crise. A crise estructural do sistema, que a paguen os capitalistas con toda a riqueza que teñen acumulada nestes últimos anos. Se 1500 españois posúen o 80% do P.I.B.,que sexan eles e a Casa Real cos seus 9 millóns de euros libres de impostos, quen se sacrifiquen. A clase traballadora con máis de 4 millóns de parados/as, un 25% de traballo precario e 827.000 fogares con todos os seus membros no paro, xa está ao límite e non ten por qué ceder ningún dereito máis.
Non ao pacto social!
A única responsabilidade do sindicalismo de clase é cos traballadores e traballadoras.
Anos de pacto demostraron que só os capitalistas e as cúpulas dos chamados “interlocutores sociais” saíron beneficiados deste dramático xogo orquestrado ás costas da clase obreira. Se os propios dados da OCDE din que de 1995 a 2005 o crecimento real dos salarios foi do -0,30% e o dos beneficios empresariais do +73%
¿Por qué persistir no erro?
Cara a Folga Xeral!
Xa é hora de decir Basta! E traballar por unha realidade distinta libre de explotación e con futuro para a clase obreira e a mocidade. Somos a maioría social e temos que enfrontarnos con decisión ás políticas do goberno e a UE. O Tratado de Lismoa e a chamada “flexiseguridade” que propugna, son a política dos poderosos para seguir oprimindo aos traballadores e traballadoras.
Hai que organizar a resposta coa participación dos traballadores/as desde a base, e é prioritario establecer unha plataforma reivindicativa básica arredor da cal unificar a loita obreira:
-Salario mínimo de 1000 euros
-Nin unha vivenda hipotecada para a banca
-Seguro de paro indefinido
-Protección social para as familias no paro
-Nacionalización da banca
-Non ás privatizacións
-Non ao gasto militar. Retirada das tropas do extranxeiro
-Ninguén é inmigrante. Ningún ser humano é ilegal.
TRABALLADOR, TRABALLADORA: ORGANÍZATE E LOITA POLOS TEUS DEREITOS CO PARTIDO COMUNISTA
PARTIDO COMUNISTA DOS POBOS DE ESPAÑA