Unidade sindical, silencio mediático
O PODER DE TELEFONICA NOS MEDIOS SILENCIA A 6000 FOLGUISTAS
O sindicato comisións de base, COBAS, xunto aos sindicatos bascos ESK, LAB, e ELA, ao sindicato galego CIG, e tamén xunto a AST maioritaria en Madrid, con EC en Barcelona, e apoiado CXT nalgunhas provincias, seguimos convocando xuntos, a nivel estatal, a todo o persoal de Telefónica a folgas de 3,5 h para todos os xoves, os próximos días 5, 12 e 19 de Xuño, coincidindo coa reunión da Mesa negociadora do Convenio colectivo.
Ante a actitude da empresa, a pasada semana realizouse a primeira xornada de paros cunha alta participación, especialmente naquelas provincias con implantación dos sindicatos convocantes. Á súa vez, ao longo da semana estanse realizando concentracións e asembleas chamando aos paros nos centros de traballo e diante de actos propagandísticos de Telefónica. Os responsables de publicidade da prensa néganse a publicar anuncios dos traballadores para non perderen á grande multinacional anunciante.
Telefónica non concedeu nada do esixido polas e os traballador@s na mesa de negociación en asuntos tan fundamentais como: a creación de emprego de calidade, 35 horas, a mellora do poder adquisitivo (IPC 2), a inclusión de medidas que permitan conciliar a nosa vida laboral e persoal (xornada partida máximo ata as 18h), eliminación da subcontratación (38.000 instaladores) ou a normalización lingüística, xa que non se garante en ningunha das 3 comunidades a atención en bilingüe tal e como obriga a lexislación actual.
Sumando a esta “non concesión de nada do esixido”, a empresa mantense en negociar nunha mesa de negociación permanente unha proposta gravemente regresiva para os e as traballadoras. Intenta modificar totalmente a actual estrutura de funcións rompendo o modelo salarial actual, baixando os soldos base, acabando coa antigüidade, flexibilizando a xornada cunha bolsa de 90 horas anuais a disposición do mando, para podermos traballar ata 12h ao día sen cobrar horas extras e acabando cos sistemas obxectivos de promoción.
Esta suma, xunto á subida do 27% dos soldos base dos directivos, a Zaplanada, etc, obrigounos a ter que convocar mobilizacións esixindo a retirada da proposta da empresa e en defensa das reivindicacións das e os traballadores.
Esperemos que predomine a ética xornalística e os cidadáns poidan coñecer a realidade da principal multinacional do país. Realizarase unha manifestación ás 13h fronte á sede de Telefonica en Avda de Roma, se a prensa tampouco pode acudir, podedes contactar coa maioría dos delegados a través do comité de empresa:
Comité de Empresa de Telefónica Barcelona
Josep Bel