ASINA E DIFUNDE: NON AO XUIZO CONTRA TRES MILITANTES COMUNISTAS

http://www.pcpe.es/formulario2010/index.php ------------------------------------------------------- detailpage

sexta-feira, 12 de março de 2010

A delegación do KKE no Parlamento Europeo denuncia a nova ofensiva contra Cuba

Acerca da recente resolución do Parlamento Europeo sobre Cuba, a delegación do KKE no Parlamento Europeo afirmou o seguinte:

A nova ofensiva do Parlamento Europeo (PE) contra o goberno socialista e o pobo de Cuba, a través da súa inaceptable resolución con motivo da morte por folga de fame do recluso criminal cubano Orlando Zapata Tamayo -a pesar dos esforzos dos servizos de sanidade cubanos de invertir o seu estado de saúde- forma parte da campaña anticomunista encabezada pola Unión Europea e levada a cabo polo Parlamento Europeo.

Forma parte da ofensiva antisocialista e da intervención imperialista flagrante da UE contra a illa da revolución, tal como se expresa na Posición Común da UE contra Cuba,  cuxo único obxectivo é o derrocamento do poder socialista.

O intento dos representantes do capital no PE de aproveitar deste suceso é hipocrítico e provocativo. As forzas de centro-dereita, centro-esquerda e os verdes no PE están apoiando sen vergoña o golpe de estado en Honduras e néganse a condenar:

  os asasinatos de decenas de loitadores polo réxime ditatorial
  o masacre de centos de sindicalistas e loitadores polos servizos estatais e paramilitares do réxime de Uribe en Colombia

  o encarceramento inxusto dos 5 cubanos patriotas presos nos EE.UU por defender a súa patria contra os ataques terroristas planeados por grupos de axentes instalados en Miami, alimentados, organizados, adestrados e financiados polos EE.UU contra Cuba.

Os representantes políticos dos monopolios que teñen as mans manchadas de sangue dos pobos de Iugoslavia, Afganistán, Iraq, Paquistán, de todos os pobos que sofren por mor das brutais guerras imperialistas e as intervencións da UE, a OTAN e os EE.UU en todo o mundo, non están en posición de ensinar que significa "democracia" e "dereitos humanos".

O que lles molesta ao capital e ao seu persoal político é o poder socialista en Cuba, a socialización dos medios básicos de produción, a abolición da explotación do home polo home. Moléstalles a resistencia heroica do pobo cubano que, a pesar do bloqueo criminal imposto polos EE.UU e a guerra coordinada de todos os centros imperialistas en contra de Cuba de máis de 50 anos, defende o socialismo e os seus grandes logros, o dereito inalienable do pobo de elixir libremente o seu camiño de vida para a satisfacción das súas necesidades.

O que temen é o exemplo brillante da Cuba socialista para os pobos de América Latina e de todo o mundo que sofren baixo o xugo dos monopolios. Os grandes logros de Cuba no sector da saúde e da educación, a vivenda popular, os dereitos sen precedentes para a clase obreira e todos os traballadores, a liberdade ampla e esencial do pobo cubano que demostran a superioridade e a capacidade do socialismo en comparación co sistema capitalista que constantemente crea dificultades para a clase obreira e os sectores populares.

O KKE condena explicitamente a resolución do PE e denuncia aos pobos de Europa a ofensiva feroz das forzas políticas da vía de sentido único da UE contra Cuba socialista. Chama aos pobos a levantar un muro de solidariedade co pobo cubano e o seu goberno. Chámalles a esixir a abolición da Posición Común da UE contra Cuba. Chámalles a apoiar a posición do goberno cubano para que inicie un diálogo político entre EE.UU e Cuba na base de igualdade e beneficio mutuo, sen condicións previas por parte da UE.

O KKE chama a condenar o esforzo da UE de utilizar os dereitos humanos como pretexto para que os imperialistas exerzan presión no pobo de Cuba e o seu goberno; a esixir o levantamento inmediato do bloqueo criminal dos EE.UU contra Cuba e a liberación inmediata dos 5 cubanos patriotas presos en EE.UU; a defender o dereito do pobo cubano de loitar contra os imperialistas que intentan que o país volva ao réxime de tiranía e explotación capitalista.