O PCPE participou na gran manfiestación convocada polo KKE en Atenas o pasado día 15. A pesar do silencio dos medios de comunicación gregos, a manifestación foi unha das maiores que se recordan nos últimos anos, estimándose unha participación superior ás 100.000 persoas.
A pesar de que as fotos non permiten facerse unha idea completa do masivo mítin e a posterior manifestación, esta ocupou varios quilómetros das rúas atenienses, onde o KKE e a KNE realizaron unha poderosa demostración de forza.
No mítin previo, celebrado no Campo de Marte (Pedios Areon), saudaron aos participantes representantes do PC Portugués, o PTB belga, o TKP turco e o PCPE, que anticiparon á camarada Aleka Papariga, quen pronunciou un discurso no que se denunciaron todas as manobras contra o KKE, fíxose un chamamento ao contraataque popular polo socialismo, e explicouse o program de construción socialista do KKE para Grecia.
Con este acto, o KKE expuxo que a única saída á crise capitalista é o socialismo e demostrou que os militantes comunistas gregos están dispostos a enfrontar todas as medidas que o goberno, a xudicatura ou as forzas estatais decidan emprender contra eles, nun momento en que as protestas masivas e a mobilización obreira e popular están supondo unha forte preocupación aos representantes capitalistas no país.
Achegamos texto da intervención lida polo membro do Comité Executivo, Ástor García, ante os miles de manifestantes :
-----------------------------------------------
Camaradas, compañeiras e compañeiros
Quérovos transmitir un saúdo de solidariedade e apoio do Partido Comunista dos Pobos de España e dos Colectivos de Xóvenes Comunistas.
Gustaríame agradecer ao Partido Comunista de Grecia o ternos convidado a participar hoxe convosco nesta importante manifestación que é un exemplo para todos os obreiros do mundo, e especialmente para os de Europa.
Gustaríame saudar tamén aos miles de traballadores e traballadoras que, desde as filas do PAME, impulsan as loitas obreiras nos centros de traballo
á mocidade revolucionaria da KNE
aos estudantes do MAIS
aos campesiños do PASY
aos membros do PASEVE
Camaradas, compañeiras e compañeiros,
hoxe os pobos do mundo miran a Grecia. A loita do pobo grego é o epicentro do combate fronte ás medidas dos monopolios e a UE. Esta loita dá novas forzas a quen loitamos contra o inimigo común que é o capitalismo. Hoxe non sodes só gregos. Hoxe vós sodes os obreiros rusos que tomaron o Palacio de Inverno, sodes os españois que combateron heroicamente contra o fascismo en 1936, seguides sendo o heroico pobo grego que derrotou ao nazismo e sodes o pobo cubano que se enfrontou ao imperialismo e venceu en 1959.
En España hai hoxe xa case 5 millóns de parados, hai máis de 1 millón de familias con todos os seus membros en paro, hai máis de 100.000 familias que perderon as súas casas en 2009 por non poder pagar a hipoteca aos bancos
E cal credes que é a solución que ofrece o goberno socialdemócrata do PSOE? A semana próxima aprobarán a rebaixa do 5% do soldo dos empregados públicos e tamén conxelarán as pensións. Eses son os socialdemócratas
Camaradas, compañeiras, compañeiros, o próximo 2 de xuño está convocada en España unha folga xeral de empregados públicos. Ata agora as cúpulas sindicais non querían falar de folga, pero agora están obrigados a facelo. E esa folga de empregados públicos terá que ser seguida dunha folga xeral, igual que fixestes vós, e iniciar un proceso de mobilización que xa era necesario fai moito tempo.
Nós levamos moito tempo loitando, non somos como os reformistas e os oportunistas que agora, cando o que os comunistas diciamos vaise facendo realidade, deciden por fin mobilizarse e oporse ás políticas antiobreras do goberno.
A esta mesma hora o PCPE está realizando mitins en diferentes cidades españolas. Son mitins nos barrios obreiros, directamente ante o pobo traballador, ante a nosa clase, ante os vosos irmáns de clase. Neses mitins estase falando de Grecia, da vosa loita, da vosa organización, da vosa determinación. E tamén se está falando de socialismo, de poder popular, de economía ao servizo do pobo, de resistencia ás medidas antiobreras e antipopulares.
Camaradas, compañeiras, compañeiros
A vosa mensaxe desde a Acrópole o pasado día 4 foi escoitado. Pediades aos pobos de Europa que nos levantásemos. Tede confianza en nós, farémolo, erguerémonos contra os monopolios, o imperialismo e os inimigos dos pobos, polo socialismo.
¡Viva a loita da clase obreira grega!
¡Viva o internacionalismo proletario!
¡Ata a vitoria sempre!
¡Venceremos!