Comunistas da Galiza PCPE e CMC-CJC na Xornada Estatal do 22 de maio

TRABALLO PROPAGANDÍSTICO DAS ORGANIZACIÓNS LOCAIS DE VIGO, PONTEVEDRA, COMPOSTELA E LUGO

ACTOS DA I XORNADA ESTATAL DE LOITA DO PCPE

A Asociación Pola Defensa da Ría

convoca

para o vindeiro SÁBADO 13 DE XUÑO, ÁS 19.30 HORAS unha nova

“MARCHA CONTRA CELULOSAS”:

POR UN MODELO DE DESENVOLVEMENTO SUSTENTABLE QUE PERMITA A CREACIÓN DE POSTOS DE TRABALLO NA COMARCA

Na Asociación Pola Defensa daRía non somos alleos á situación de crise económica pola que estamos a atravesar, nin á necesidade de evitar a perda de postos detraballo na comarca. Pero esta evidencia, aproveitada interesadamente desde as direccións empresarial e sindical de ENCE-ELNOSA para reivindicar a permanencia do complexo no seu emprazamento actual, non nos pode levar a esquecer que CELULOSAS, lonxe de ser a solución, é parte do problema.

O vindeiro venres, día 29 de maio, ás 22:00 h terá lugar a cea anual que se celebrará no Restaurante Mochi de Vilaboa; haberá servizo de autobuses (ida e volta) que sairán da alameda a partir das 9:30 h. O bono da cea pode reservarse en apdr@apdr.info

LUGO. OS XÓVENES COMUNISTAS NA LOITA ANTIFASCISTA

Lugo contra o fascismo

O pasado día 2 de maio, medio centenar de neonazis reuníronse en Lugo para asistir a un concerto de carácter racista, intolerante e xenófobo. A través de diversos medios dixitais, os asistentes ó evento de exaltación nazi ameazaban con rematar a noite con unha “cacería”. Pese a que a información sobre a convocatoria era confusa, os membros dos CJC-CMC, xunto con numerosas organizacións populares, tomamos as rúas para denunciar a presenza fascista na nosa cidade e deixar claro que non imos tolerar ningún dos seus actos, xa que o fascismo exténdese se non se lle combate.

A manifestación antifascista celebrouse na “Praza do campo” as 20:30, onde a forte presenza antifascista lanzou un claro sinal do carácter popular e antifascista da mocidade de Lugo. A pesar de que a manifestación foi pacífica, tras ésta, dous dos nosos camaradas foron seguidos pola polícia nacional e obrigados a identificarse, xa lonxe da “Praza do Campo”. O único elemento distintivo foi unha bandeira dos CMC. Un deles foi levado pola polícia ata comisaría, onde examinaron as suas pertenencias, incluíndo as do partido.

¡Galiza, Antifascista Sempre!

SOLIDARIEDADE! QUE ILEGALICEN AOS BANQUEIROS E AOS EMPRESARIOS QUE FAN EREs E EMPETAN MÁIS BENEFICIOS QUE NUNCA

Os e as comunistas da Galiza PCPE queremos amosar a nosa solidariedade cos compañeiros e compañeiras da candidatura democrática e de esquerdas Iniciativa Internacionalista-Solidariedade entre os Pobos, perseguida e criminalizada baixo pretextos insustentables, e atentando contra os máis elementais dereitos democráticos.

Así,



1- difundimos a seguinte convocatoria ao acto público de solidariedade:

o vindeiro xoves 21 de maio celebrarase un acto público en solidariedade con Iniciativa Internacionalista e de rexeitamento da súa ilegalización no que intervirán distintas organizacións políticas, sindicais e sociais.

O acto terá lugar no Instituto Sta. Irene de Vigo ás 20:00h.






2- solicitamos apoiedes e asinedes os seguintes dous COMUNICADOS:

-"Os e as asinantes queremos manifestar a nosa oposición ao proceso de impugnación e ilegalización da candidatura ás eleccions europeas, Iniciativa Internacionalista-A Solidariedade entre os Pobos, iniciada polo goberno do PSOE.

A ilegalización aprobada polo TS supón un atentado ás liberdades democráticas ao impedir a presentación dunha candidatura democrática, soberanista e de clase, limitando gravemente o dereito da cidadania a votar e ser votado.

Por este motivo, esiximos do Tribunal Constitucional, que ten que resolver sobre o recurso presentado antes das 0 horas do venres 23 de maio, a anulación da ilegalización e a restitución de todos os dereitos da devandita candidatura."

Podedes enviar a vosa sinatura, unicamente co nome, apelidos e profisión a este enderezo electrónico:galizainternacionalista@gmail.com





- POLA DEMOCRACIA E A PRESUNCIÓN DE INOCENCIA

As persoas e organizacións abaixo asinantes queremos expresar coa maior contundencia a nosa indignación e a nosa alarma ante o gravísimo atentado contra as liberdades democráticas e contra a presunción de inocencia, fundamento do Estado de Dereito, que supón a ilegalización da candidatura ás eleccións europeas Iniciativa Internacionalista -A Solidariedade entre os Pobos, e esiximos a revogación da correspondente sentenza do Tribunal Supremo.

Queremos denunciar tamén a vergoñenta campaña de acoso e desprestixio orquestrada polos grandes medios ao servizo dos poderes establecidos, á vez que expresamos a nosa solidariedade con Afonso Sastre e as demais persoas ás que se intentou criminalizar pola súa participación en Iniciativa Internacionalista.

as sinaturas a este manifesto deben encamiñarse a frabetti@ctv.es

Comunicado de prensa Seminario Comunista Internacional

sostido en Bruxelas sobre a mocidade e a crise
Do 15 ao 17 de maio de 2008, 49 partidos comunistas e obreiros de 40 paises reuníronse en Bruxelas para o 18º Seminario Comunista Internacional, organizado polo Partido do Traballo de Bélxica. O tema principal foi o traballo comunista entre os xóvenes, para o cal 20 dos partidos enviaron a un delegado novo. Os participantes presentaron contribucións e mantiveron discusións sobre a situación actual da mocidade, o traballo dos comunistas entre a mocidade, e a incorporación de novas xeracións nos partidos comunistas.
Un documento coas conclusións xerais sobre o traballo comunista entre os mozos foi formulado, discutido e adoptado. Enuncia que os mozos e mozas están entre as primeiras e peores vítimas da crise económica do mundo capitalista, pero que tamén xogan un rol importante na resistencia contra os efectos da crise. O Seminario sinala que os partidos comunistas teñen unha responsabilidade particular cara á mocidade e que encaran o reto de incorporar a xóvenes activistas e cadros nos seus rangos. Ao mesmo tempo, a importancia de construír un movemento de xóvenes comunistas forte foi salientada.
O Seminario adicou unha sesión especial á crise actual do capitalismo. Varios oradores proporcionaron unha análise profunda desta crise, a que é esencialmente unha crise de sobreproducción. As tarefas dos comunistas na situación de crise foron tamén discutidas. Máis importante, os participantes acordaron promover o socialismo como a única alternativa ao sistema capitalista montado en crise. Discutiuse e finalizou unha declaración para proporcionar unha guía para o traballo comunista durante a crise.
Presentáronse dúas resolucións específicas, unha en solidariedade con Cuba socialista, a outra sobre a situación de Palestina e o Medio Oriente. Foron asinadas por unha gran maioría dos partidos presentes e será circulada dentro do movemento comunista internacional para reunir máis firmas, do mesmo xeito que coa declaración sobre a crise e as conclusións xerais sobre a mocidade.
Todos os documentos do 18º Seminario Comunista Internacional serán accesibles en www.icsbrussels.org.
Os participantes do Seminario acordaron organizar o próximo ano o 19º Seminario Comunista Internacional do 14 ao 16 de maio de 2010 en Bruxelas. Terá como tema "As consecuencias da crise e a intervención dos partidos comunistas", comprendendo os seguintes tópicos:
profundización da análise leninista da crise, particularmente nos seus novos desenvolvementos
enriquecemento da política e da táctica a través da práctica e os debates actuais, e nunha perspectiva estratéxica do socialismo
leccións aprendidas das experiencias prácticas dos partidos comunistas na mobilización, concientización e organización.

Listaxe de participantes

1. Afghanistan, All Nation Movement for Democracy and Progress of Afghanistan 2. Albania, Communist Party of Albania 3. Algeria, Parti Algérien pour a Démocratie et lle Socialisme (PADS) 4. Armenia, Unified Progressive Communist Party of Armenia 5. Belarus, For the Union and the Communist Party of the Union 6. Belgium, Workers? Party of Belgium 7. Brazil, Communist Party of Brazil (PCdoB) 8. Brazil, Partido Patria Livre 9. Colombia, Partido Comunista Colombiano 10. Cuba, Partido Comunista de Cuba 11. Denmark, Communist Party of Denmark 12. Denmark, Danish Communist Party 13. O Salvador, Partido Comunista do Salvador (PCS) 14. France, PRCF - Pôle de Renaissance communiste en France 15. France, URCF - Union deas Révolutionnaires-Communistes de France 16. Germany, German Communist Party (DKP) 17. Greece, Communist Party of Greece (KKE) 18. Hungary, Hungarian Communist Workers? Party 19. Ireland, Workers? Party of Ireland 20. Lao People?s Democratic Republic, Lao People?s Revolutionary Party 21. Latvia, Socialist Party of Latvia 22. Lebanon, Parti Communiste Libanais 23. Malta, Communist Party of Malta 24. Morocco, Voie démocratique 25. Nepal, Communist Party of Nepal (Unified) 26. Netherlands, New Communist Party Netherlands (NCPN) 27. Norway, Party Rede 28. Palestine, Popular Front for the Liberation of Palestine (PFLP) 29. Panama, Partido do Pobo de Panama 30. Peru, Partido Comunista Peruano 31. Philippines, Communist Party of the Philippines 32. Porto Rico, Refundación Comunista de Porto Rico 33. Russia, Communist Party of the Russian Federation 34. Russia, Russian Communist Workers? Party - Revolutionary Party of Communists 35. Russia, Communist Party of the Soviet Union (CPSU) 36. Spain, Partido Comunista de España (marxista-leninista) 37. Spain, Partido Comunista dos Pobos de España 38. Spain, Unión Proletaria 39. Sweden, Communist Party (KP) 40. Syria, Syrian Communist Party 41. Taiwan, Chinese Province of, Labour Party of Taiwan 42. Tunisia, Parti du Travail patriotique et démocratique de Tunisie 43. Turkey, Communist Party of Turkey (TKP) 44. Turkey, Party of Labour (EMEP) 45. Ukraine, Union of Communists 46. United Kingdom, Communist Party of Great Britain (Marxist-Leninist) 47. USA, Freedom Road Socialist Organization 48. USA, Party for Socialism and for Liberation 49. Vietnam, Socialist Republic of, Communist Party of Vietnam Lista de partidos e organizacións que mostraron interese pero non puideron acudir ou enviaron unha mensaxe de solidariedade Arxentina, Partido da Liberación Australia, Communist Party of Australia Cyprus, Progressive Party of the Working People - AKEL Denmark, Communist Party in Denmark Finland, Communist Workers Party (For Peace and Socialism) France, Communistes Xeorxia, Unified Communist Party of Xeorxia Ireland, Communist Party of Ireland Italy, Party of the Italian Communists Italy, Rete dei Comunisti Korea, Democratic People's Republic of, Worker's Party of Korea Lithuania, Socialist Party of Lithuania México, Partido dos Comunistas Nepal, Communist Party of Nepal (Marxist-Leninist) Pakistan, Communist Party of Pakistan Palestine, Palestinian Communist Party Palestine, Palestinian People's Party South Africa, South African Communist Party (SACP) Tadjikistan, Communist Party of Tadjikistan Ukraine, Communist Party of Ukraine USA, Workers World Party Venezuela, Partido Comunista de Venezuela

16 Maio 2009

M-21: Ante a Folga Xeral

Desde hai case un ano, os medios de comunicación repiten insistentemente unha palabra: crise. A crise existe, como é obvio, pero como a realidade demostra de forma teimuda, a crise afecta de xeito moi diferente á burguesía e aos traballadores. Aínda con todo isto, non debemos esquecer o máis importante: que a crise dos traballadores non é algo conxuntural, senón natural baixo o capitalismo.

Desde que este sistema fixo aparición na historia, cada día do ano da vida dos traballadores é un exemplo de crise auténtica e o certo é que mentres os obreiros esteamos baixo o sistema capitalista, esta situación non vai mudar. Esta afirmación non é ideolóxica nin gratuíta, senón que pode atoparse mesmo nas cifras e números das fontes oficiais do goberno. Por exemplo, entre 1998 e 2008, anos de bonanza económica, o poder adquisitivo dos traballadores do Estado Español descendeu en máis dun 4%. É dicir, antes da actual crise financeira, a clase obreira, xa fose con gobernos do PSOE ou do PP, xa vivía o seu particular tormento: o sistema capitalista.

Esta situación, por suposto, empeorou de forma substancial desde 2008. No último ano, 55.897 persoas perderon o seu posto de traballo en Hego Euskal Herria. Os mozos somos os que máis sufrimos a crise, tendo aumentado nun 90% o número de desempregados respecto ao ano pasado.

O obreiro é explotado, é alienado, empuxado ao consumismo e á superficialidade, enganado polos medios de comunicación, encadeado a unha hipoteca, oprimido por un Estado, censurado por un xuíz fascista e así poderiamos continuar ata encher cadernos enteiros.

A crise actual comezou cunha espiral especulativa ligada ao negocio da construción, provocando a creación de capital ficticio que non está apoiado por un valor real. Os grandes capitalistas atopáronse con que nos seus activos, o capital do que dispuñan non era máis que unha ilusión. No momento en que esta burbulla estala, a crise esténdese rapidamente da esfera financeira á da produción, resultando na maior avalancha de EREs das últimas décadas.

Os despedimentos, ademais, enmárcanse dentro dunha lóxica sinistra, perfectamente deseñada, e que nos vai a condenar a unha situación crónica de baixos niveis de vida. Referímonos á compra masiva de nova vivenda, a través de enganosos créditos baratos pero de longa duración. Unha vez foi imposible manter os niveis de venda de inmobles, pasouse ao seguinte banzo: a subida dos intereses polos créditos xa adquiridos. Os traballadores caemos na trampa do capital financeiro, cuxo único obxectivo é espremernos ao máximo como traballadores.

Para solucionar esta crise hai dúas opcións, a primeira é entregar miles de millóns a bancos e multinacionais, que saen dos nosos impostos, da nosa suor e do noso esforzo. Desta forma, o capitalismo recomporíase, aínda que baixo condicións tremendamente prexudiciais para a clase obreira. Neste sentido, o último ano foi moi frutífero en canto a propostas disparatadas, como a semana laboral de 65 horas. Só a través da loita podemos evitar que o capitalismo se reestruture e impoña as súas condicións.

A segunda opción é a aposta polo cambio verdadeiro, é a aposta polos intereses dos traballadores, pondo na nosa loita desde este mesmo momento o horizonte do socialismo. Esta é a única vía para que a resolución da crise traia beneficios aos traballadores. Esta alternativa concrétase en medidas como a socialización da banca, do sector enerxético, dos transportes, da sanidade e educación privada, así como a socialización de empresas e fabricas. No aspecto político, apostamos por unha democratización completa, cuxa base sexa a participación directa do pobo traballador na toma de decisións. Esta é a solución que debemos esixir e é a solución que non van levar a cabo os partidos políticos socialdemócratas.

As medidas tomadas pola patronal e apoiadas polos principais partidos e os sindicatos amarelos condénannos a ter que soportar os despedimentos, a precariedade e o paro, porque segundo nos contan, os traballadores somos un custo e hai que aforrar custos. Pois debemos dicirlles ben alto e ben claro que non somos un custo, que non somos unha carga, que somos traballadores, somos a clase traballadora e somos os que mantemos en pé a sociedade e a todos os parásitos coma eles. E non só iso, debemos berrar que estamos fartos de ser os oprimidos e que hai un sector importante da clase obreira que é consciente de que a loita de clases segue vixente e non se renderá nunca.

Neste sentido, como vascos e como comunistas, parécenos vergoñenta a actitude do PCE-EPK, que nos últimos días deu a coñecer o seu boycot á folga xeral do 21 de maio. Ningún comunista coherente pode afirmar baixo ningún pretexto que hoxe non hai razóns para a folga xeral. De feito, cremos firmemente que os traballadores teñen a lexitimidade para se defender utilizando todas as ferramentas das que dispoñan, desde concentracións no centro de traballo ata cortes de estradas, sabotaxes ou peches.

Non nos axeonllamos ante ninguén e así quedará demostrado o día 21 de maio, desde Euskal Komunistak e Gazte Komunisten Kolektiboak compartimos o chamamento a toda a clase obreira vasca para que, independentemente da súa opción sindical, o dia 21 de Maio se converta nunha xornada de loita, ou o que é igual, nunha xornada de folga xeral.

RESOLUCIÓN DE URXENCIA DO PCPE-Asturies

Á situación de desmantelamento industrial e produtivo que vén
sufrindo Asturies desde hai décadas, súmaselle agora a agudización
da crise capitalista, provocando inumerables peches e Expedientes
de Regulación de Emprego que supón a expulsión dos seus postos de traballo
de centos e centos de traballadores e traballadoras, e situando
as cifras de paro e precariedade laboral en termos nunca vistos ata
agora.


É nesta situación que se produce o peche dos traballadores de Naval
Xixón para esixir as súas xustas reivindicacións, á vez que un
futuro de traballo para Asturies.


Pero como sucede sempre que a clase traballadora e os sectores
populares nos mobilizamos polos nosos dereitos, o Goberno da
burguesía envía ás súas forzas policiais a actuar como auténticos
esbirros de forma brutal e totalmente desproporcionada.


No día de hoxe, por orde do Sr. Trevin (Delegado de Goberno) as
forzas policiais están sometendo aos traballadores encerrados nos
estaleiros de Naval Xixón a un acoso permamente tendo tentado
entrar e disolver o peche sen conseguilo ata o momento, e
disolvendo violentamente unha concentración cidadá de apoio co
resultado de polo menos dous detidos.


Por iso, desde o PCPE denunciamos unha vez máis os métodos de terror
do sistema capitalista contra a clase obreira, e esiximos de forma
inmediata a total retirada das forzas policiais da contorna do
estaleiro, a inmediata posta en liberdade sen cargos de todos os
detidos, así como a destitución do delegado de goberno en Asturies.


Para rematar desde o PCPE declaramos que nos manteremos firmes no
noso compromiso de seguir achegando os nosos mellores esforzos para
reforzar as xustas loitas dos traballadores e traballadoras, e facemos
un chamamento ao conxunto do pobo a incorporarse á loita.


¡VIVA A LOITA DA CLASE OBREIRA!


En Xixón, ás 20:32 horas do 14 de maio de 2009

información sindical

CIG INFORMA

O 13 de maio tiñan lugar asembleas nos estaleiros da ría de Vigo, tratándose a situacion dos traballadores inmigrantes, que non están a cobrar correctamente nin teñen as condicións laborais que marca o convenio provincial do Metal de Pontevedra. Por iso, decidiuse cortar a actividade de dez a dúas e cortar o tránsito na avenida de Beiramar, asi como os traballadores de Vulcano decidiron mobilizarse e acudir até Metalships e Cíes, para trasladarlles aos seus compañeiros estas situacións.Como consecuencia da última folga no sector naval no ano 2007 polo control da contratación conseguíuse que máis de 2.000 contratos pasaran a ser indefinidos."os empresarios non ficaron quietos, contrataron novas subcontratas das contratas, algunhas de aquí e outras de fora, fundamentalmente de Portugal, e trouxeron traballadores/as de distintos países, para dispor de man de obra máis barata. CIG-Metal denuncia que ao mesmo tempo falsifican as nóminas para aparentar legalidade e presentan contratos indefinidos para os que se obriga a asinar previamente o finiquito",

En Gamesa Ferrol nos primeiros meses deste ano tense producido o despedimento de cando menos 250 persoas entre traballadores e traballadoras de ETT e do cadro de persoal principal”

Agora a empresa xa anunciou a súa intención de rescindir o contrato a todo o persoal de ETTs que aínda continúa en Gamesa, así como a 50 operarios/as propios máis.

Concentracion de traballadores/ as de Correos en Compostela. en contra da política de redución de postos de traballo que está a levar adiante a empresa pública. A mobilización, convocada pola Xunta de Persoal e o Comité de Empresa na provincia de A Coruña, marca o inicio dun calendario de protestas que continuarán os vindeiros días 19 e 20 de maio nas cidades de A Coruña e Ferrol.

O mércores 13 de maio volvian rachar as negociacións do Convenio do Metal da provincia de Pontevedra, dado que a Patronal deste sector, excusándose nas mobilizacións contra a contratación irregular no naval, volvía abandonar a mesa, na que sempre presentaron as mesmas propostas, cun convenio para dous anos e perda de poder adquisitivo para os traballadores. A CIG-Metal, neste contexto, considera que é "moi importante volver dar unha mostra de forza e convocar novas medidas de presión.

A CIG-Ensino entregou no Rexistro xeral da Xunta de Galiza as sinaturas de 356 coordinadores/as das Equipas de Normalización Lingüística dos centros públicos de ensino, reclamando o mantemento do Decreto de Normalización e uso do galego, así como medidas de protección e promoción activa do noso idioma.

O Comité Executivo do PCPE denuncia o proceso de ilegalización de Iniciativa Internacionalista

O Comité Executivo do Partido Comunista dos Pobos de España ante o inicio, por parte do Goberno, do procedemento establecido na Lei de Partidos que ten como obxectivo a ilegalización da candidatura de Iniciativa Internacionalista ás Eleccións ao Parlamento Europeo:


DENUNCIA que, unha vez máis, o goberno da socialdemocracia liberal -coa súa manida coartada da loita contra o terrorismo- ataca os dereitos ao libre exercicio da actividade política dunha parte da sociedade española. Calquera iniciativa que a este goberno conveña anular é obxecto de persecución e represión, atentando contra os máis elementais dereitos democráticos que tanto presume defender. Xunto ao Goberno participan coa mesma responsabilidade outros partidos políticos que igualmente apoian, ou non denuncian, a antidemocrática Lei de Partidos. A independencia do Poder Xudicial, unha vez máis, demóstrase como unha pantomima; na realidade hai un só poder: a ditadura do capital que se exerce con todos os medios do estado burgués. O proceso posto en marcha supón, de facto, a ilegalización das forzas políticas que compón esta coalición electoral.


ESIXE que o proceso iniciado polo Goberno contra Iniciativa Internacionalista quede suspendido de inmediato, e que desista sen demora de todas as manobras que teñen como finalidade interferir no proceso electoral do próximo 7 de xuño para favorecer as súas posicións políticas ao servizo da oligarquía e contra os dereitos da clase obreira e dos pobos. O Goberno e os seus aliados deben aceptar a confrontación electoral con todas as forzas con vontade de concorrer electoralmente, e aterse aos resultados que a mesma teña.

DECLARA que o PCPE non recoñeceu -nin recoñecerá nunca- a Lei de Partidos nin ningún dos actos derivados da aplicación da mesma. O PCPE esixe a derrogación de dita Lei e a súa paralización inmediata ata tanto se desenvolva o proceso pertinente para a súa anulación.






Madrid a 14 de maio de 2009

As vítimas dos ERE multiplícanse por dezaseis en 200

(de Rebelión)
Máis de 180 mil traballadores afectados por regulacións de emprego no primeiro trimestre do ano


O número de traballadores afectados por expedientes de regulación de emprego (ERE) multiplicouse case por 16 ata marzo, mentres que os expedientes autorizados polas autoridades laborais foron case seis veces máis que os do primeiro trimestre de 2008, segundo os últimos datos do Ministerio de Traballo e Inmigración, que mostran unha aceleración do recurso ás regulacións de emprego, na actual atmosfera de recesión económica e desemprego.

En concreto, 180.579 traballadores víronse afectados por un ERE no primeiro trimestre de 2009, fronte aos 11.375 no mesmo período de 2008, o que, en termos relativos, implica unha subida do 1.487,5%. Pola súa banda, o número de ERE autorizados incrementouse un 466%, ata sumar 4.660 expedientes, fronte aos 823 dun ano antes.

CEIVAR. SOLIDARIEDADE!!

Companheiros, companheiras,

Enviamos com este [Ceivar INFORMAÇOM] um CHAMADO URGENTE À SOLIDARIEDADE
ECONÓMICA COM O CENTRO SOCIAL O PICHEL de Compostela, submetido nos
últimos meses a umha campanha de criminalizaçom "por colaborar com o
terrorismo" e, finalmente, a um processo de extorsom económica "por via
administrativa" por parte do Governo local PSOE-BNG.

Os sócios e sócias d'O Pichel devem ingressar no próximo mês 10.000€ para
instalar um elevador para pessoas discapacitadas. Os primeiros 5000€ devem
recadar-se antes de 15 de Maio sob a ameaça de que o centro social será
clausurado de nom faze-lo. O número de conta achegado polo centro social
está aberto em 'Caixa Galicia' e é o 2091 0316 92 3000223595.

A iniciativa é o logro do fascismo local, materializado nas iniciativas de
Gerardo Jesús Conde Roa (PP) para lograr a clausura de vários centros
sociais de Compostela. Finalmente, o bipartido acordou aplicar
selectivamente a'O Pichel umha normativa cujo cumprimento nom é exigido a
nengum local comercial da capital.

Ante a intencionalidade política e repressiva desta decisom
administrativa, CONVIDAMOS TODAS AS PESSOAS COM POSSIBILIDADE PARA FAZER
ACHEGAS ECONÓMICAS A INGRESSAR QUANTO ANTES PARA FAZER FRENTE AO PRIMEIRO
PAGAMENTO. Animando-vos a reenviar esta mensagem às listagens de correio
de cada quem, despedimo-nos com um saúdo em nome de


CEIVAR, organismo popular anti-repressivo
Sede nacional Rua dos Loureiros. Local 2. Edifício 3. Baixo
15704-Compostela
GALIZA

Sítio web nacional http://www.ceivar.org

Mañá Folga do Naval

Solidariedade co Naval!!

Condicións de traballo dignas

Non á discriminación d@s traballadores e traballadoras inmigrantes

DE EIQUÍ OU DE FORA, UNHA MESMA CLASE TRABALLADORA

basta de ESCRAVITUDE

basta de DESPEDIMENTOS

NON Á EUROPA DO CAPITAL E DA EXPLOTACIÓN

A CRISE CAPITALISTA QUE A PAGUEN OS RICOS!!!

50 anos de revolución

Charlas sobre Cuba no 50 aniversario da Revolución a cargo dos compañeiros Jesús Echeverría García e Yoelkis Sánchez Coellas

Serán os días 18 de maio en Vigo (Casa do Libro) e 19 en Santiago (Galería Sargadelos) ás 19.30 h.

Jesús Echeverría é Presidente da "Asociación de Combatientes de la Revolución Cubana" en Camagüey
Yoelkis Sánchez é membro da UJC e deputado na "Asamblea Nacional del Poder Popular"


ORGANIZA: Asociación de Amizade Galego-Cubana "Francisco Villamil"

Presentación en Atenas do documento conxunto dos comunistas europeos

coa intervención de Aleka Papariga, do KKE, Carmelo Suárez, do PCPE, e Gyula Thurmer, do Partido Comunista Obreiro Húngaro.

Os tres dirixentes comunistas coincidiron en que o obxectivo principal destas eleccións é "facer avanzar as nosas posicións, ao que contribúe este documento unitario".

Carmelo Suárez: "rachar as cadeas do capitalismo significa tamén rachar as cadeas ideolóxicas, politicas e económicas que esclavizan á clase"

A rolda de prensa foi presentada pola camarada Aleka Papariga. A Secretaria Xeral do KKE presentou o documento asinado por 21 partidos comunistas europeos, difundido publicamente o pasado fin de semana, sinalando que tras este texto hai un importante traballo de anos de intercambio de opinións e colaboración en diversos ámbitos, que desembocou nunha análise compartida sobre o que é a Unión Europea, o que expresa unha tendencia unitaria baseada nuns principios políticos firmes.

Aleka Papariga afirmou que hoxe a clase obreira necesita dun proxecto que confronte coa UE, e que tal proxecto está reflectido no documento presentado. Sinalou que é posición común dos 21 partidos asinantes que a Unión Europea non é reformable e que, na medida que esta unidade comunista avance, fortalecerase a posición dos traballadores e dos pobos en Europa.

A Secretaria Xeral do KKE expresou sen dúbida que "as posicións que pretenden reformar a UE colócanse ao lado das posicións do capitalismo e non ofrecen nada distinto do que hoxe existe", facendo especificamente referencia ao Partido da Esquerda Europea (PEE), cuxas organizacións integrantes "non representan ningún cambio no desenvolvemento da política da UE e comparte dun xeito ou outra este proxecto do capitalismo". A dirixente grega finalizou a súa intervención afirmando que "é necesario combater estas posicións como loita política e ideolóxica para evitar enganos á clase obreira", e recordando que "é necesario seguir traballando para ampliar a unidade das forzas revolucionarias e facer mais forte o seu proxecto político, pois iso beneficiará á clase obreira en toda Europa".

A continuación interveu o camarada Gyula Thurmer, presidente do Partido Comunista Obreiro Húngaro, quen explicou a experiencia concreta do seu partido, que o pasado 1º de Maio abandonaba o PEE, do que foran fundadores, ao entender que "a práctica demostrou que o PEE só busca un capitalismo de rostro humano e non confronta co proxecto imperialista". Thurmer explicou que en Hungría, a perda do proxecto socialista desembocou nun retroceso xeneralizado das condicións de vida da gran maioría da poboación, - "extremadamente duras para o 90% da poboación" - , subliñou, e na penetración xeneralizada do capital exterior. Para os comunistas húngaros, finalizou, "o texto dos 21 partidos é dunha gran importancia para a loita dos traballadores e o noso partido continuará no futuro traballando por este camiño".

Carmelo Suárez, Secretario Xeral do PCPE, interveu en último lugar. Agradeceu ao KKE o esforzo realizado para lograr a sinatura dun documento que cualificou de "histórico" e expresou que "os principais beneficiarios do mesmo son os catro millóns de traballadores en paro que existen en España, que necesitan do avance da coordinación internacional dos comunistas para ter un instrumento de defensa dos seus intereses de clase".

Na súa intervención, Carmelo Suárez denunciou a situación da clase obreira en España, produto do desenvolvemento, entre outros elementos, do proxecto do imperialismo europeo e que "no futuro próximo, se non se levanta unha forte loita da clase obreira, as condicións serán peores para ela". Así mesmo, fixo un chamamento a que se aproveiten as eleccións europeas para que o conxunto da clase obreira "entenda o carácter clasista da UE e a necesidade de confrontar radicalmente con ela para construír unha sociedade alternativa de pobos libres e soberanos en loita pola construción do socialismo en Europa", estratexia que, recalcou "será necesaria para que a crise capitalista teña unha solucion diferente á que queren os capitalistas". Por todo iso, finalizou, o lema electoral do PCPE, Racha as cadeas, expresa a necesidade de romper con todo o que ata e oprime á clase obreira, "rachar as cadeas do capitalismo pero tamen rachar as cadeas ideolóxicas, politicas e económicas que escravizan á clase".

Os diversos medios de comunicacion presentes (radio, prensa e tv) realizaron varias preguntas aos intervintes, destacando a resposta de Aleka Papariga á pregunta de cantos votos e deputados esperaban obter os 21 partidos asinantes do documento: "todo o que somen as candidaturas destes partidos serán votos para a construccion da sociedade socialista".

Información do CC do PCPE

Carmelo Suárez, Secretario Xeral do PCPE, participará en Atenas na presentación das candidaturas comunistas para as eleccións europeas

O Secretario Xeral do Partido Comunista dos Pobos de España e cabeza de lista da candidatura deste partido ás eleccións europeas do próximo 7 de xuño, Carmelo Suárez, participará mañá luns, 11 de maio, en Atenas no acto público de presentación do documento conxunto sucrito por 21 partidos comunistas de 19 países da Unión Europea de face ás próximas eleccións europeas

A invitación do Comité Central do KKE, e como representante dos comunistas españois, Carmelo Suárez apoiará coa súa presenza a presentación internacional da declaración unitaria xunto aos comunistas gregos, cuxo partido é un dos máis grandes de Europa e que na actualidade conta con tres eurodiputados. A invitación, que reflicte as boas relacións entre ambos os partidos e a vontade compartida de profundar nas súas relacións bilaterais, supón un importante paso no que respecta á coordinación das organizacións comunistas a nivel europeo, posto que se tratará do primeiro acto público e conxunto de face a unhas eleccións europeas de organizacións non vinculadas ao Partido da Esquerda Europea (PIE), organismo de coordinación das forzas reformistas e eurocomunistas da Unión Europea. Ao acto de presentación tamén está invitado o presidente do Partido Comunista Obreiro Húngaro, Gyula Thurmer, cuxa organización abandonou o pasado 1º de Maio o PIE.

O PCPE e o KKE exporán as liñas comúns do seu programa para as eleccións europeas, facendo especial fincapé na consideración do carácter non reformable da Unión Europea, a súa natureza intrinsecamente capitalista e o seu carácter de ferramenta ao servizo do gran capital contra os intereses dos traballadores e os pobos de Europa.

A aposta decidida dos comunistas gregos e españois, así como do resto de partidos asinantes, pola desvinculación da Unión Europea e da OTAN e do resto de organizacións imperialistas, a formulación da vía socialista de desenvolvemento económico, a resistencia contra todas as medidas aprobadas polos organismos europeos e aplicadas polas autoridades estatais, son os eixos centrais da campaña ante as eleccións europeas de ambos os partidos, que realizarán outros actos conxuntos, xunto ao resto de partidos comunistas europeos que comparten as súas análises e propostas, ao longo da campaña electoral.

Os Partidos que subscriben a declaración que se presentará mañá son:

Partido do Traballo de Bélxica

Partido Comunista Británico

Partido Comunista de Bulgaria

Partido dos Comunistas Búlgaros

Partido Comunista en Dinamarca

Partido Comunista de Estonia

Partido Comunista de Grecia

Partido Comunista Obreiro Húngaro

Partido Comunista de Irlanda

Partido dos Traballadores de Irlanda

Partido Socialista de Letonia

Partido Socialista de Lituania

Partido Comunista de Luxemburgo

Partido Comunista de Malta

Novo Partido Comunista dos Países Baixos

Partido Comunista de Polonia

Partido Comunista Portugués

Partido Comunista Romanés

Partido Comunista de Eslovaquia

Partido Comunista dos Pobos de España

Partido Comunista de Suecia

(Información do CC do PCPE)
http://www.pcpe.es/?p=1409

22 DE MAIO XORNADA ESTATAL DE LOITA CONTRA A CRISE CAPITALISTA

Comunicado Conxunto Sobre as Eleccións ao Parlamento Europeo

Traballadores, autónomos, artesáns,
pequenos agricultores, mulleres, mozos e mozas.

Dirixímonos a vós ante as eleccións europeas de 2009. Dirixímonos aos traballadores e pequenos agricultores, sindicalistas, militantes do movemento pacifista, do movemento feminista, do movemento xuvenil, militantes polos dereitos democráticos, polas liberdades populares, da solidariedade interncional, militantes dos movementos contra os tratados da UE e a OTAN. Compartimos a visión dunha sociedade sen explotación do home polo home, sen pobreza, inxustiza social e guerras imperialistas. Confluímos nesta campaña a favor dunha Europa de prosperidade para a xente, de paz, de dereitos sociais e democráticos, unha Europa que non ten nada que ver coa UE do capital e a guerra.(...mais:

Comunicado Conxunto PPCC)

Votade polas listas ás que apoiamos en cada país.

Debilitemos ás forzas que apoian e defenden a UE - Fortalecédevos

NON á UE dos monopolios e o militarismo.

Por unha Europa de prosperidade para o pobo, de paz, xustiza social e dereitos democráticos, de socialismo.

Os Partidos:

• Partido dos Traballadores de Bélxica,
• Partido Comunista da Gran Bretaña,
• Partido Comunista de Bulgaria,
• Partido dos Comunistas de Bulgaria,
• Partido Comunista en Dinamarca,
• Partido Comunista de Estonia,
• Partido Comunista de Grecia,
• Partido Comunista Obreiro Húngaro,
• Partido Comunista de Irlanda,
• Partido dos Traballadores de Irlanda,
• Partido Socialista de Letonia,
• Partido Socialista de Lituania,
• Partido Comunista de Luxemburgo,
• Partido Comunista de Malta,
• Novo Partido Comunista dos Países Baixos,
• Partido Comunista de Polonia,
• Partido Comunista Portugués,
• Partido Comunista Romanés,
• Partido Comunista de Eslovaquia,
• Partido Comunista dos Pobos de España,
• Partido Comunista de Suecia.

PONTEVEDRA NA REVIRA . FESTA DA LINGUA

Programa Festa Língua 2009

EXITO DA FOLGA DO METAL

información da CIG

En Pontevedra pecháronse na sede dos empresarios

• Os traballadores do metal en folga ocupan o Salón do Automóbil no recinto feiral de Vigo

No resto da provincia tamén secundaron amplamente a folga e mobilizáronse

Máis de 12.000 traballadores do Metal saen as rúas de Vigo na primeira xornada dun paro de 48 horas que avalian como "un éxito"

Os traballadores/as do convenio do Metal da provincia de Pontevedra deron nesta xornada do 6 de maio unha nova mostra de forza e dignidade apoiando a primeira xornada da folga de 48 horas convocada polas centrais sindicais, e amosando nas rúas a súa vontade de continuar a loitar nestes tempos de crise pola negociación do seu convenio. Os tradicionais piquetes nas distintas zonas industriais desde primeira hora da mañá transformáronse ao longo do dia en multitudinarias marchas, que, na cidade de Vigo, encheron rúas, prazas e avenidas do centro, visibilizando a potencia do Metal, unha vez máis.

DEFENDER A NOSA LINGUA E MÁIS QUE UN DEREITO, É UNHA OBRIGA INEXCUSABLE

A DEREITA REPRESENTANTE DOS SECTORES MÁIS ESCUROS E ANTIPOPULARES DA OLIGARQUÍA CONSEGUIU ABRIR DEMAGÓXICAMENTE UN FALSO DEBATE SOCIAL (MOI UTIL PARA BOTAR UNHA CORTIÑA DE FUME DIANTE DOUTROS DEBATES QUE ESTÁN A POÑER EN PERIGO A SUPERVIVENCIA MESMA DO SISTEMA DE EXPLOTACIÓN; MOI UTIL PARA REENCARAMARSE NOS SILLÓNS DO GOBERNO AUTONÓMICO) SOBRE A “”LIBERDADE”(!!!) DE ELECCIÓN DO IDIOMA.

REDUCIR O DEREITO DE USO DO IDIOMA A UN DEREITO DE CARÁCTER INDIVIDUAL OU FAMILIAR IGNORA OLÍMPICAMENTE O FEITO DE QUE UN IDIOMA É UN PATRIMONIO SOCIAL, NON FAMILIAR; É UNHA FERRAMENTA, UNHA CREACIÓN COLECTIVA E HISTÓRICA DUN POBO, QUE NADA TEN QUE VER COAS FOBIAS, COMPLEXOS, AUTOODIOS OU PREXUIZOS DE CERTOAS CIDADÁNS E DE CERTAS CLASES . LINGUAXE É O PENSAMENTO SON A MESMA COUSA. A IMPOSICIÓN DA LINGUA ÚNICA QUE ENMASCARA TODA ESA DEMAGOXIA BILINGÜE É UN INSTRUMENTO MÁIS DO PODER PARA IMPOÑER O PENSAMENTO ÚNICO (ou nulo) E CINGUIRNOS AÍNDA MÁIS O XUGO DA PREPOTENCIA IMPERIALISTA.

ESTA OPERACIÓN MUTILADORA E ETNOCIDA DIRIXIDA POR SECTORES DA DEREITA MÁIS CORRUPTA E CAVERNÍCOLA, E QUE PON AO SEU SERVIZO AO DISPOSITIVO POLICIAL E XUDICIAL PARA ESMAGAR SAÑUDAMENTE TODA DISIDENCIA, DEBE SER PARADA.

FRENTE AO DICTADO IMPERIALISTA DO PENSAMENTO ÚNICO E DA LINGUA ÚNICA DEFENDAMOS O GALEGO, FERRAMENTA DE EXPRESIÓN DO NOSO POBO E DA NOSA CLASE TRABALLADORA

MOBIICÉMONOS O VINDEIRO 17 DE MAIO PARA PARAR A CONTRARREFORMA LINGÜISTICA DA DEREITA E DO FASCISMO

a mobilización sae ás 12 da Alameda de Compostela

PRESENTADA A CANDIDATURA DO PCPE ÁS ELECCIÓNS AO PARLAMENTO EUROPEO

RACHA AS CADEAS

CONTRA A EUROPA DO CAPITAL E A GUERRA

O Partido Comunista dos Pobos de España presentou este luns día 4 a súa candidatura ás Eleccións ao Parlamento Europeo.


Esta candidatura ten como eixo central a confrontación co proxecto imperialista da Unión Europea -saída da UE e da OTAN-, nun contexto de crise sistémica do capitalismo, e coa proposta dun futuro socialista para os pobos de Europa.


A Consigna central desta campaña "Racha as cadeas. Contra a Europa do Capital e a Guerra" expresa con claridade o proxecto revolucionario -claramente rupturista- do PCPE en relación ao espazo rexional europeo. Un proxecto que coloca no plano máis próximo a aposta por un Período Constituínte Republicano -marco necesario para o exercicio do dereito á libre autodeterminación no estado español-, e que se reivindica do internacionalismo proletario na práctica política polas súas propostas programáticas compartidas con outras organizacións revolucionarias dos demais países hoxe suxeitos ao xugo imperialista da UE.


Quen hoxe, no estado español, dan soporte aos crimes do terrorismo internacional de estado e á desapiadada explotación da clase obreira -PSOE, PP e os seus colaboradores reformistas- son o obxectivo a confrontar polo PCPE nesta batalla política.


A lista presentada polo PCPE está encabezada polo seu Secretario Xeral, Carmelo Suárez, e pola Secretaria Xeral dos CJC, Enma Esplá. Unha lista formada por militantes comunistas que desenvolven o proxecto do PCPE cada día, e que constitúen hoxe un activo núcleo combatente na loita contra capitalismo e contra a súa crise sistémica no estado español. A batalla electoral será unha ocasión máis para seguir desenvolvendo o proxecto revolucionario no estado español, pois no racionalmente previsible ao día seguinte das mesmas as condicións da loita política serán similares ás actuais.


Todos os votos que veñan á candidatura do PCPE estarán a traballar para facer avanzar o proxecto da revolución socialista no estado español.

HUMOR ANTIIMPERIALISTA DE GRANDE ACTUALIDADE

Daniel López Muñoz / Irimia.

Xa viña sendo time de que el new president descubrise the magic solution to the cosa de la lengua no Galician Country.

The solution é o chamado “castrapo enriquecido”, al que también chaman “eurocastrapo”, “triglosia feijooooana”, amablingua , “galcasinglish” ou, na Galicia Sur, simplemente “feixoada”.

Basically consiste en ser amables. You are moi amable, in such a way que no ofendas a nobody arround. Because the cosa es no imponer, e se ti escolles one language –only one, ollo!- ti andas imponiéndote que nin a milk! So, first asunto: amabilidade, gentleness e, especially, never, never, never, mesmo nunca, fales only in the regional idioma.

The second cosa vén sendo a closing down das galescolas, que finally serán substituídas by “trilingüelas” (not “bi”, but “tri”), to properly enseñar the new lengua.

This is, efectivamente, the solution to the cuadratura of the circle: combinar a “soberanía lingüística” dos pais, with the deber of promoting e facer normal o galego, sin ofender a la lengua de Rosa Díaz, and also co obxectivo de trilingüizar aos nenos and little girls.

So, a nai escolle, e choose o que choose, sempre ficará happy, ya que a súa escolla is included in the eurocastrapo. In fact, this feixoada is the “tres in one”, very inclusive and amabilismo.

At the same time, the Xunta resolverá o “problem” educativo, sen que such a thing lle supoña un quebranto presupuestario. Efectivamente, as a matter of fact, o novo language non ten a very precise normas, and predomina a única and conocida only norma do “tanto ten, ti vai disimulando”, que se complementa coa de “never rained que non escampara”. Así, the teachers training is going to ser very barrato, barrato, cal carpet of magrebí.

And, by the way, if non caíches na conta, este artículo is the first one written in the new idioma. Buena luck and remember o que di the song: non te warrees, be happy, tra,la,la,la,la,la,la,la….

Campaña Nacional en Defensa do Dereito ao Aborto, na Sanidade Pública! Eu Decido!

A Marcha Mundial das Mulleres na Galiza solicita o voso apoio na campaña ‘En defensa do dereito ao aborto, na Sanidade Pública! baseada nas seguintes reivindicacións:

Queremos:

• Que se recoñeza o dereito fundamental das mulleres a tomar as súas propias decisións.
• Que se garanta a soberania das mulleres sobre o propio corpo e a propia vida.
• Que se asegure que todo o proceso de información, asesoramento e realización da interrupción voluntaria do embarazo sexa feita na Sanidade Pública, por persoal sanitario formado na perspectiva de xénero.
• Que non exista discriminación xeográfica no aceso de todas as mulleres a este dereito nos servizos públicos.
• Que se inclúa a educación afectivo-emocional e sexual con perspectiva de xénero no currículo escolar
• Que os dereitos das mulleres usuarias destes servizos sexan respectados e protexidos en todo momento.

Asina en apoio da campaña en http://www.feminismo.info/webgalego/campanas/147-campana-eu-decido.html

Durante o mes de Maio desenvolveranse palestras-coloquio nas diferentes comarcas con presenza da Marcha Mundial das Mulleres, nas que se presentará a publicación ‘O Dereito a Decidir: Situación actual e alternativas á despenalización do aborto' para propiciar o debate e reflexión social sobre a necesidade dunha lei de aborto que termine coa penalizacion e criminalizacion das mulleres.

E no Domingo 31 de Maio en Compostela elaboraremos un MAIO REIVINDICATIVO conxuntamente con todas as que vos queirades achegar á praza da Quintana desde as 11 da mañá.

Para colaborar connosco ou para recibir información sobre a campaña, por favor visitar www.feminismo.info ou contactarnos en marchagaliza@gmail.com

INTERNACIONAL

• Resolución do Comité Central do Partido Comunista ...
• O Comité Central do Partido Comunista Obreiro Húngaro decidiu, na súa sesión do 25 de abril, abandonar o Partido da Esquerda Europea desde o 1º de maio de 2009, de acordo cos estatutos do PEE
  
• Crise económica global Ata cando?, ata onde? Osva...
• Ela (A CRISE)é destrutora, pero tamén pode ser creadora, se os humanos a aproveitan, non simplemente para saír dela, senón para saír do capitalismo que as procrea.
• Mensaxe do CC do KKE sobre o 1º de Maio de 2009
  
• Debemos marcar o camiño dos cambios e as subversions, crear os termos para poder ser os propietarios e administradores da riqueza. ¡Debemos buscar o poder popular! ¡Só se pode estar ao lado dos monopolios ou ao lado do pobo! Non hai outras opcións.
• PC de Irlanda, Declaración conxunta do PC de Irlan...
  
• Os dous partidos teñen unha comprensión común da natureza imperialista da Unión Europea e piden o apoio nas próximas eleccións europeas para os candidatos que se opón a manter a integración na UE co seu programa neoliberal e militarista, e que defenden os principios de rendición de contas democrática e soberanía popular.
• Os responsables da gripe do porco
  
• O sistema capitalista é responsable de que hoxe enfermidades curables se convirtan en epidemias
  

1º de MAIO

www.kaosenlared.net/noticia/1-de-maio

Milleiros de traballadoras e traballadores percorreron as rúas de Vigo denunciando o paro galopante, a precariedade e a destrución de dereitos laborais e de prestacións sociais, expresións tráxicas desta crise estructural do modelo capitalista e da feroz ofensiva do capital e os seus axentes, que desgrazadamente nos colle con moi pouco avanzado na unidade sindical e un sindicalismo hexemonizado maioritariamente por unhas estruturas entregadas
hai tempo á clase dirixente.
A nosa tarefa máis urxente : dotarnos das ferramentas necesarias para procurar
unha saída á crise favorable aos intereses do pobo traballador.
NON ás medidas de conxelación salarial,
NON aos EREs en empresas con beneficios,
NON aos despedimentos
Esto debe esixir con claridade un sindicalismo de clase onde quen tirará para
diante non van ser os dirixentes sindicais senón os propios traballadores e
traballadoras conscientes da necesidade de loitar para non ser esmagados pola
maquinaria capitalista.
Os comunistas, o PCPE, chamamos aos sectores máis conscientes e combativos da
clase obreira a fortalecer o noso proxecto político.
Só un Partido Comunista forte e cun programa político claro e transformador,
poderá garantir unha saída á crise que beneficie ao pobo traballador, e un
futuro socialista. A “refundación” do capitalismo só vai traer máis explotación
e miseria para a inmensa maioría da humanidade.

NON Á UE DAS 65 HORAS, A PRIVATIZACIÓN DA SANIDADE E DE BOLONIA

NON AO MONÓLOGO SOCIAL

AVANZANDO CARA Á FOLGA XERAL

¡A CRISE CAPITALISTA QUE A PAGUEN OS RICOS!