SÁBADO 8 DE NOVEMBRO, ÁS 19.30, NA GALERÍA SARGADELOS DE VIGO 
En máis de 7000 calculábase hoxe, 6 de novembro, a presencia obreira nas rúas de Vigo. Respostaban ao chamado a parar e manifestarse en solidariedade cos traballadores do naval Emilio Docampo, Daniel Cascallar, Ivan Piñeiro e Xosé García. (A fiscalía pide para eles catro anos de cadea e elevadas multas pola súa participacion na folga de 2007).
A criminalización da defensa e do propio exercicio dos dereitos consagrados formalmente amosa a grande hipocresía do sistema capitalista. ¡¡¡A folga fíxose polo cumprimento do convenio!!! ¿Non é un grande cinismo penalizar a quen coas suas accións lembraran á patronal pagar o que debía?
Claro que no fondo trátase de decirnos a tod@s @s explotad@s: mirádevos nise espello: ahí tedes o que se conquire enfrontándose.
Pero é ao revés: son Emilio, Daniel, Iván e Xosé quen poden mirarse no espello multiplicador dos 7000 que hoxe se manifestaron, e que han de ser mais e mais, e non só do naval.É necesario.
comunistas da galiza P.C.P.E.
CIG CONVOCA
MANIFESTACION O 3 DE NOVEMBRO AS 20, VIGO.POLA DEFENSA DO EMPREGO NA AUTOMOCIÓN
CIG INFORMA
Os mandamais da Caixa Galicia súbense os salarios un 69% neste 3 anos, e a Consellería de Economía fai a vista gorda. Reconversión, bancarización encuberta e pelotazo, comenta a CIG
Folga o 3 de Novembro contra a represión sindical en Lorenzo Froiz, esta vez sanción con intencións intimidatorias contra a compañeira Lucía Freire presidenta do Comité de Empresa. Meter medo para que non nos organicemos e así facernos pagar o pato da crise comenta a CIG
Despedimento e maltrato da traballadora subcontratada de DAPOR da carnicería Hiperxel na Area Central de Santiago, por reivindicar melloras laborais e cumplimento do convenio en canto a horarios, seguridade, etc. Eses ilegais, multados pola Inspección de Traballo, pecharona na oficina e fixerona obxecto de ameazas e coaccións para obrigala a asinar a liquidación.CIG chama ao boicot: NON MERQUEDES EN HIPERXEL.
FAURECIA auxiliar da Citroen, mobilízase outra vez diante da Delegación de Traballo. Contra o ERE e acomplicidade institucional da Inspección de Traballo e a Consellería. ERE con 9.000.000 de euros de beneficio no último exercicio?!!
CUT INFORMA
6 DE NOVEMBRO folga do Naval en solidariedade cos traballadores Emilio, Daniel, Iván e Xosé, detidos na última Folga, para quen piden 4 anos e pago de danos, co obxeto de escarmentar ao sector e acojonar cara a negociación do convenio. Serán xulgados no Xulgado do Penal nº 1 de Vigo o 6 de Novembro ás 10 da mañán. Acudamos ao Xulgado.
REPRODUCIMOS O COMUNICADO DE PRENSA DO COLECTIVO NACIONALISTA DE MARÍN --
http://colectivonacionalista.
http://cnmarin.com.sapo.pt
AOS MEIOS DE COMUNICACIÓN
A Consellaría de Sanidade privatiza o servizo de citas previas do Sergas.
Desde o Colectivo Nacionalista queremos denunciar a privatización do servizo de cita previa do Sergas. A Consellaría de Sanidade enviounos unha carta a todos os cidadáns onde nos comunicaba que temos que chamar a un 902 para pedir cita para o médico de atención primaria.
Consideramos lamentábel que un goberno denominado progresista privatice desta forma un servizo público e obrigue a todos os usuarios da sanidade pública a pagar máis por realizar unha chamada pedindo cita. Ademais, esta centralización do servizo supón poñer os datos sanitarios dos galegos e galegas en mans dunha empresa privada, o que nos parece lamentábel.
Máis grave é que as persoas que máis empregan o teléfono para pedir cita son as persoas maiores que viven en zonas lonxe do centro de saúde, que non poden pedila por internet e son as que menos recursos teñen. Temos que lembrarlle á conselleira que Galiza ten as pensións de xubilación máis baixas do estado.
Esta nova situación está provocando un empeoramento da atención e das citas previas, xa que despois de chamar a este número 902, onde non teñen constancia da realidade dos centros de saúde e estar ao telefono dándolle cartos ao Sergas, os usuarios son derivados aos centros de saúde. Desta forma cando antes se facía unha chamada, agora fanse dúas.
A chamada a este número ten un custe que ten que asumir o usuario, e aqueles que teñan tarifa plana teñen que engadir un custe a maiores que terían aforrado. O Sergas vai facer negocio a conta nosa e a favorecer a unha empresa privada en detrimento dos traballadores da sanidade pública galega coa segura precarización dos postos de traballo.
Os que tanto criticaron ao anterior goberno continúan polo mesmo camiño privatizador e precarizador da sanidade pública. Demandamos que volva a xestión pública a este servizo e animamos á presentación de reclamacións pola atención deficiente, o incremento do custe e a privatización das citas previas.
De todas formas como os 902 teñen un número normal asociado, as persoas que queiran usar este servizo sen un maior custe poden chamar ao 986806350.
Marín, 30 de outubro de 2008.
Asdo.: Francisco Currás Domínguez
GRAZAS AOS E AS COMPAÑEIRAS DO COLECTIVO NACIONALISTA DE MARÍN POR FACER PÚBLICA ESTA IMPORTANTE NOTICIA.
SEMELLANTE "DETALLE" ENCAIXA COERENTEMENTE NAS DISPOSICIÓNS PRIVATIZADORAS DA UNIÓN EUROPEA DO CAPITAL E A GUERRA. ESTAS NOS SON IMPOSTAS A TRAVÉS DA IMPOSICIÓN SEN REFERENDO DO SINISTRO TRATADO DE LISBOA, QUE SE IMPLEMENTA XA EN TODOS OS ESTADOS MEMBROS CONTANDO COA SUBMISIÓN DA SOCIALDEMOCRACIA E O REFORMISMO, QUEN APLICAN AS DIRECTIVAS LIBERALIZADORAS DOS "SERVIZOS" BARRENDO PARA DENTRO DO BENEFICIO PRIVADO E LIQUIDANDO OS NOSOS DEREITOS E PRESTACIÓNS, ASÍ COMO OS DEREITOS DOS E AS TRABALLADORAS DA SANIDADE.
NO SUCESIVO ESPÉRANOS MÁIS DO MESMO NO CASO DE QUE RENUNCIEMOS A LOITAR POLA DEFENSA DUNHA SANIDADE PÚBLICA E DE CALIDADE.
Dende a ponte de Santo Antonio, sobre o río do Castro, e a nivel da capela de santo Antonio, gallaba un camiño enlousado, CAMIÑOS DE CARRO, camiños principais: un ascendía, á dereita, cara a aldea de Lourido (costa do Salgheiral); outro, á esquerda, atravesaba a aldea da Revolta. Tras a Revolta, á altura das Lameiras, ao pé do carballo centenario, este camiño deixaba de estar enlousado, de aí o topónimo Lameiras –cando chovía o dito camiño enlamaba–. Tras as Lameiras, onde se localizaba o antigo campo da festa do san Salvador, o camiño gallaba. Ambos os dous gallos volvían estar enlousados. Un daba servizo aos veciños do alto do lugar de Cavenca. O outro entraba na aldea de Cavenca á altura do pazo, e enlousado baixaba até o río do Seixo (Portamuíños). Este camiño era o empregado polos veciños de Cavenca cando necesitaban achegarse a Cerdedo facendo uso do carro, atravesando a aldea da Revolta, e atravesando o río do Castro pola ponte de Santo Antonio.
O concello defende que a Torrente sexa unha calzada romana e nega que unha das súas pólas, hoxe baixo o asfalto da estrada de Limeres, sexa medieval. Todo un contrasentido...
Bouza Brey documentou a existencia dunha ara romana en Cavenca, dedicada ao culto dos Lares Viales, divindades dos camiños, reutilizada na reconstrución da capela de Cavenca. O camiño xa non sería medieval senón romano. Se quixesen promocionar os valores culturais da parroquia así o defenderían. Outros defenden, con máis éxito, o monstro do Lago Ness. Prefiren botar lixo por riba de Cerdedo antes de darlle a razón a Verbo Xido.
A ponte que dende tempos inmemoriais puxo en comunicación Cerdedo coa parroquia é a ponte de Santo Antonio. Todas as outras pontes son posteriores. No tempo de Sarmiento, a capela de Santo Antonio achábase río abaixo.
O camiño do que fala o Sr. Balseiros era un CAMIÑO DE PÉS, un atallo, que comunicaba a ponte de Santo Antonio coa aldea de Cavenca, sen pasar pola Revolta, que desapareceu, ou foi solapado, co parcelamento.
O trazado da ruta frei Martín Sarmiento Revolta-Cavenca (PGR-69), véxase a internet, coincide co treito asoballado polo Concello e homologado por eles. Para iso pintaron as marcas características, brancas e amarelas, nas pedras dos valos ( = ) e por iso colocaron os sinaladores de rota (postes de madeira). O da rota alternativa, por se se innunda a rota “auténtica”, é unha vulgar ocorrencia que retrata os responsables de cultura do Concello: Non saben, non queren saber e non queren que os demais saiban. Antes mentir que darlle a razón a quen sempre os deixa en evidencia.
Balseiros di que o camiño de pés pola beira do río foi o camiño que seguiu Sarmento. Convidámolo a que o demostre, a que achegue algún texto ou documento que o probe.
Aínda que o camiño Revolta-Cavenca non fose a rota seguida polo frade no seu paseo dende Limeres até Cavenca en 1710, estremo que non dubidamos por ser este o camiño principal, o camiño vello (é dicir, existente no século XVIII), a alternativa de Verbo Xido (e a do Concello xa que a sinalou como tal) é a máis lóxica e recomendable, pois, sen abandonar a verea medieval, amosa ao camiñante os valores arquitéctonicos da aldea da Revolta e a fermosísima, até hai uns días, paraxe das Lameiras.
Esta pexegada ten orixe na usurpación da rota deseñada por Verbo Xido por parte do Concello. É dicir, na viaxe de Sarmento a Madrid de 1710, cando se vai facer freire, camiña de Pedre a Limeres e de Limeres a Cavenca. Seguindo os estudos de Carlos Solla, e atendendo á xerarquía de camiños, levamos ao frade polo camiño histórico, o enlousado, o principal, o lóxico (o libre de innundacións, se acreditamos ao “experto” Alcalde Balseiros). Na viaxe de 1745, Sarmento non foi por Revolta nin por Cavenca, foi por Cerdedo, atravesando o río do Castro pola ponte de Santo Antonio e despois por Piñoa. Cando Balseiros di que o noso camiño non é o camiño, en que se basea? Sabe “O Alcalde” que o noso roteiro, por eles apropiado, esta baseado en dúas viaxes? Leu algunha vez a Sarmento? Leu algunha vez?
As obras executadas polo Concello, anchearon groseiramente un antiquísimo vieiro enlousado caracterizado pola presenza de antigos valos de pedra e flora autóctona e consolidado por Verbo Xido, pais da criatura, como a única oferta turística atractiva e de calidade da zona, xunto co roteiro da Montaña Máxica, ignorada polo Concello, e a irresponsablemente abandonada “Pontes do Lérez”. A pedra dos valos foi absurdamente soterrada nas leiras próximas.
E, finalmente, se o camiño da Revolta a Cavenca non tivese nada que ver co periplo de Sarmento, se Sarmento fose marciano ou non tivese nada con Cerdedo, o simple feito de “dar servizo aos veciños” (que xa o teñen por outro vial) non implica desfigurar a fasquía orixinal dunha vella corredoira, enlousada, acompañada de carballos e acivos e acoutada por valos de pedra. Hai xeitos mellores de acondicionar un recanto singular sen recorrer sempre ao chapapote e ao formigón (véxase a aldea de Pedre), por moito que contente a uns poucos veciños de acomplexado sentir urbanita e isto garanta uns míseros votos. De actuarmos deste xeito, se nun futuro derrubar a igrexa parroquial de Cerdedo supón carrexar votos, o Concello de Cerdedo non dubidará en botala abaixo.
GRAZAS COMPAÑEIRO, POR DEFENDER PONDO EN PERIGO A TÚA VIDA A NOSA COMÚN DIGNIDADE INTERNACIONALISTA E ANTIFASCISTA
OS CJC ANTE A CONVOCATORIA DE MOBILIZACIÓN ESTUDANTIL PARA O 22 DE OUTUBRO MANIFESTAN:
Desde os CJC apostamos pola mobilización da mocidade estudantil contra os procesos de privatización que tanto desde o Estado español como desde a Unión Europea atacan frontalmente as conquistas estudantís en materia de educación pública e de calidade. Un dos maiores ataques contra os devanditos dereitos e conquistas é o Plan de Bolonia, o EEES.
Entendemos que a mobilización non pode vir imposta, sen contar cos e as estudantes, sen un traballo previo nos centros de estudo nos que se informe á o estudantado do que supón este plan co fin de que tomen conciencia sobre a importancia de loitar contra este, traballando dese xeito só conseguimos pór pedras no noso propio camiño, torpedeando a potencialidade do movemento estudantil.
Apoiamos e participamos activamente nas loitas polos dereitos dos e as estudantes cun traballo desde a base, desde as asembleas de centro, sendo nós , os e as estudantes, quen decidamos que facer en cada momento, coordinándonos con outras facultades e centros. Todo isto axudaranos a enfrontarnos a estes plans neoliberais en mellores condicións e así, só deste xeito, seremos capaces de facer retroceder á UE imperialista nos seus plans privatizadores.
O EEES supón o ataque máis perigoso dos últimos anos contra os e as estudantes que procedemos de familias de clase obreira. Con esta medida de privatización quérennos vender a moto de que se nos abren as portas a Europa, cando o único que fai este plan é impedirnos compatibilizar o estudo co traballo (algo que para moitos de nós é imprescindible para poder custearnos os estudos). O novo sistema de créditos é outra burla cara aos estudantes, que conduce á elitización da universidade e a depreciación das titulacións, o que xunto á progresiva substitución de bolsas por créditos-bolsas perpetúa en definitiva un modelo educativo dirixido a ofertar os estudos de posgrao e master aos fillos das familias de maior poder adquisitivo á vez que o papel dos e as fillas das familias traballadoras como man de obra barata para o precario mercado laboral refórzase nun momento de crise bestial do sistema de explotación capitalista.
Os CJC reiteramos o noso compromiso coa loita por un ensino público, laico, científico e de calidade que nos asegure un futuro digno. Por iso os CJC apoiaremos todas aquelas mobilizacións e accións que á calor desta convocatoria ou fóra dela xurdan do traballo unitario, de base e do contacto co estudantado. Porque o presente é de loita, pero o futuro é noso.
POLA MOBILIZACIÓN UNITARIA E DESDE A BASE
NON AOS PLANS PRIVATIZADORES NA UNIVERSIDADE
NON AO EEES
ORGANIZATE E LOITA
Comité Executivo dos CJC (Colectivos de Xóvenes Comunistas)
Comisión Central de Estudantes dos CJC
estudantescjc.es
19 de Outubro do 2008
CIG INFORMA (DE AVANTAR)
A Xunta consente o desmantelamento sistemático de servizos no transporte de viaxeiros de Bergantiños
Os habitantes da comarca de Bergantiños cada vez teñen menos posibilidades de realizar os seus desprazamentos no transporte colectivo. O Grupo Vázquez, principalmente, e Aucasa reduciron drasticamente os servizos de buses na bisbarra desde que se produciu a segregación de liñas da compañía Arriva, anterior concesionaria do transporte de viaxeiros na zona.
O Grupo Vázquez elimina 15 servizos na liña que une Carballo con A Coruña (4 de ida e 11 de regreso). Dáse a circunstancia que, desde as 17:25 até as 19:00 horas, non hai buses que unan ambas localidades, cando anteriormente a frecuencia era de media hora. Tamén se reduciron servizos entre a capital de Bergantiños e a zona costeira da comarca (Malpica, Laxe, etc) e coa Costa da Morte. A Xunta de Galiza, por medio da Dirección Xeral de Transportes, é cómplice do desmantelamento deste servizo público ao non impedir que as empresas reduzan as frecuencias. A CIG-Transporte, pola súa banda, xa leva denunciando desde hai anos está situación que padecen os viaxeiros de Bergantiños, Costa da Morte e Muros.
Faurecia Asientos de Galicia, unha das empresas auxiliares de PSA Citroen que obtivo máis de nove millóns de euros de beneficios no último exercicio, presentou xa dous expedientes de regulación de emprego. O primeiro, de catro días, xa foi aprobado pola Consellaria de Traballo e a Xunta de Galiza, e o segundo, que afectaría a catorce xornadas laborais e case trescentos traballadores, está no proceso de negociación.
As empresas da automoción parece asi que xa non precisarán xustificar con balanzos negativos nin perdas económicas as súas agresivas solucións, xa que baixo a ameaza da “perda de competitividade”, e alegando cuestións organizativas, xustifican as súas propostas, como a dos ERE's, contando co beneplácito das autoridades laborais e da Xunta de Galiza.
Os 49 despedidos da empresa do naval Celso Román concéntranse á porta do estaleiro pola recolocación e o pago dos salarios
A empresa auxiliar do sector naval Celso Román Electricidade, que traballaba en exclusiva para o estaleiro Rodman Polyships en Moaña, entregou o martes 14 de outubro as cartas de despedimento a todos os traballadores, un total de 49 por “problemas económicos”. Este mércores concentrábanse ás portas deste estaleiro os traballadores demandando o pago dos salarios adebedados, asi como a recolocación no sector naval de todos e cada un dos despedidos. Celso Román Electricidad, adicada á montaxe de instalacións eléctricas nos barcos, débelle aos seus ex-empregados a nómina do mes de setembro e os primeiros trece días de outubro.
CUT DENUNCIA …
…A complicidade da Inspección de Traballo de Vigo, que ven de dar luz verde a unha regulación de emprego en FAURECIA ASIENTOS DE GALICIA, baseada no requerimento da empresa que xustifica tal regulación en problemas de organzación. ¿Teñen que pagar os traballadores e traballadoras a incompetencia dos dirixentes dunha empresa que o ano pasado tivo 9 millóns netos de beneficios en Vigo? ¿Por que non regulan a estes dirixentes de pacotilla pola súa nefasta xestión?
Os traballadores/as de FAURECIA denuncian a tiranía represora das MULTINACIONAIS co amparo dos organismos oficiais, e convocan á clase obreira a concentrarse diante da Inspección de Traballo de Vigo, ás 10 horas, os vindeiros 24 e 31 de outubro. A unidade na loita nos fará fortes.
CCOO INFORMA
|
|
|
| ||
|
C.U.T. : MÁIS UNHA VEZ, OS TRABALLADORES PAGAMOS A CRISE DOS RICOS: REGULACIÓN DE EMPREGO EN FAURECIA ASIENTOS GALICIA. VER INFORMACIÓN NA PÁXINA DA CENTRAL UNITARIA DE TRABALLADORES
EMPRESARIOS DO TIXOLO BLOQUEAN ESTRADAS COMO PROTESTO CONTRA O GOBERNO, ESIXINDO MÁIS AXUDAS PARA AS SÚAS EMPRESAS
COMISIÓN POLA RECUPERACIÓN DA
MEMORIA HISTÓRICA DA CORUÑA
NOTA DE PRENSA
CENTENARIO DO NACEMENTO DE FOUCELLAS
Benigno Andrade García "Foucellas", o máis lendario e popular dos guerrilleiros antifranquistas galegos, naceu o 22 de outubro de 1908 na aldea de As Foucellas , parroquia de Cabrui, do concello de Mesía. Traballou no campo, nunha leitaría, nas minas de carbón de Fabero (O Bierzo) e nun aserradeiro de Curtis. Detivérono o 9 de marzo de 1952 en A Regueira (Oza dos Ríos) onde construíra unha cova-refuxio. Foi executado a garrote vil o 7 de agosto de 1952 no cárcere da Coruña. Os seus restos mortais repousan no cemiterio de San Amaro nunha foxa común.
Con motivo do centenario do nacemento de Foucellas, a Comisión pola Recuperación da Memoria Histórica da Coruña, a Asociación Cultural Obradoiro da Historia, de Ordes´, e a Asociación Cultural Eira Vella, de Betanzos, organizan diversos actos para homenaxear a todas as persoas que loitaron pola liberdade e a democracia; a miles de heroes anónimos da Resistencia antifascista galega, mortos, torturados, desterrados, encadeados, represaliados e perseguidos por defenderen a legalidade democrática da II República.
1. As actividades comezarán en Curtis o xoves, 23 de outubro, ás 19,30 horas na Casa da Xuventude e contará coa presenza de Pepiña, filla de Foucellas.
2. O venres, 24 de outubro, ás 20,30 horas, haberá outro acto na Casa da Cultura de Ordes.
3. O sábado, 25 de outubro, haberá un roteiro polos lugares da guerrilla da comarca, con saída en autobús ás 15,30 horas do cárcere da Coruña e parada en Betanzos ás 16,15 horas na praza do Campo. Ao final da xornada, ás 21 horas, haberá un acto no Liceo de Betanzos e, finalmente, unha cea.
4. No mes de novembro haberá en Betanzos unha semana de cine sobre a guerrilla galega antifranquista.
En todos os actos haberá unha homenaxe ás familias represaliadas, lectura de poemas, presenza de vellos guerrilleiros, intervencións de historiadores, gaiteiros, actuación do grupo A Quenlla.
Estas actividades contan coa colaboración do Ministerio da Presidencia, Consellería de Cultura e Deporte da Xunta de Galicia, Concellaría de Cultura do concello da Coruña, Deputación da Coruña, concellos de Ordes, Oroso, Melide, Arzúa, Vilasantar, Mesía e Asociación Bieito Fandiño.
Pregamos a difusión do seguinte teléfono de contacto para apuntarse ao autobús do día 25, que será gratuíto: 645029338.
O Estado está a tramitar até 15 novos encoros no Miño e no Sil. Segundo ADEGA a Xunta aínda non publicou o Plano Reitor de Uso e Xestión deste Lugar de Interese Comunitario . A inexistencia deste plan é o que permite que os informes da Xunta non sexan vinculantes. Por iso, malia a promesa de Touriño e o pacto unánime do Parlamento Galego, o Estado pode autorizar as novas explotacións.
“Coa súa desidia e incompetencia, a administración ambiental galega está a poñer en risco o obxectivo principal para o que foi criada: a protección e conservación do noso patrimonio natural, converténdose de feito nun dos principais factores da súa degradación” acusan os ecoloxistas.
Partido Comunista dos Pobos de España.
Comité Central
Madrid 5 de Outubro de 2.008
O Xuíz Garzón solicitou a diversas institucións información acerca de desaparecidos durante a guerra civil a fin de que se resolva a súa competencia para investigar os crimes acontecidos durante o Franquismo. Esta iniciativa prodúcese despois de que varias asociacións de Memoria Histórica lle solicitasen a súa actuación.
O PCPE quere manifestar que esta iniciativa, NON ABRE DE NINGúN XEITO, a investigación dos crimes do franquismo e, nin moito menos o seu esclarecemento e lóxica imputación de responsabilidades. Simplemente, o Xuíz quere pescudar a súa competencia nun posible proceso sumarial acerca de “presuntos” crimes acaecidos. A Fiscalía Xeral do Estado xa manifestou a súa oposición e, como non, as forzas políticas e sociais de dereita.
En segundo lugar, afirmamos que esta iniciativa non é consecuencia da aplicación da mal chamada Lei de Memoria Histórica aprobada no Parlamento polo PSOE, EU e outros partidos que, como é sabido, pecha hermeticamente a fosa dos crimes do franquismo e evita o seu esclarecemento ao desatender ao estado das súas responsabilidades.
En terceiro lugar, faise patente unha vez máis, o divorcio entre o estado Español e a propia historia, ao ser incapaz durante 30 anos despois da morte do ditador, de crear ningunha “Comisión da Verdade” que esclarecese o que verdadeiramente ocorreu durante e despois da Guerra e tamén nos primeiros anos de “Democracia” en relación coa persecución, tortura e morte de centenares de miles de cidadáns e cidadás.
En cuarto lugar, que a providencia do Xuíz, para ser verdadeiramente eficaz, debera terse feito extensiva a todos os concellos e deputacións do estado, aos cuartelillos da Garda Civil, ás comisarías de Policía, ao Exército, a todas as institucións que colaboraron coa represión franquista (orfanatos, escolas, hospitais, bibliotecas, arquivos, colexios profesionais, asociacións civís, etc.) e as súas continuadoras, incluíndo á propia Xudicatura do estado e a institución Monárquica.
En quinto lugar, non podemos esquecer que esta iniciativa xudicial prodúcese pola presión e loita que desde a sociedade civil promoveuse durante todos estes anos, incluíndo aquí ao propio movemento republicano interesado en que se revele toda a verdade do Franquismo e os seus crimes.
En Sexto lugar, que esta iniciativa ao ser xudicial non terá en ningún caso consecuencias políticas, o que seguirá deixando nas pavías a ilegalidade e condena do réxime Franquista.
Por todo iso, consideramos que aínda que nos aledemos de que o Xuíz perseguidor dos dereitos e liberdades de moitos cidadáns e cidadás no estado español e na súa liña de martelo sen efecto de famosos ditadores e torturadores, empece con isto, moito nos tememos que o efecto que pretende conseguir, é o de desactivar, a través da confusión e a división, ao puxante Movemento Republicano e da Memoria.
Non só se trata de Xustiza Penal, que por suposto esiximos, senón tamén de Xustiza Política. A condena do Franquismo como un réxime criminal e ilegal non só require de mornas iniciativas xudiciais, necesitaría que o propio estado rachase política e institucionalmente co réxime franquista pero como podería facelo se este estado é continuador a través das leis franquistas do franquismo? Os crimes de Franco foron unha consecuencia lóxica da condición global de criminalidade de todo o sistema e faise necesaria por tanto non só a imputación concreta deses crimes senón a total condena do Franquismo e proclamar a súa ilegalidade.
Trataríase entón dunha estratexia de distracción, ao reducirse a condición da ditadura á das actuacións dunha serie de criminais concretos.
Por último reiteramos que a verdadeira xustiza acadarase cando rache co franquismo e para iso fai falla superar o marco xurídico-político da Constitución de 1978, e iniciar o proceso constituínte pola III República.
