A crise e a monarquía, para a oligarquía
A crise capitalista segue a castigar ás economías familiares, arruinando pequenas empresas e deixando no paro a millóns de traballadores. Mentres, a Constitución de 1978 cumpre un novo aniversario como gardiá dunha monarquía que se enriquece a costa do orzamento público e dunha clase política ocupada na súa rutineira corrupción.
O Partido Comunista dos Pobos de España, na perspectiva do socialismo, traballa pola apertura dun proceso constituínte republicano que permita unha rexeneración política e unha democracia plena na que as decisións e dirección política, económica e social sexan tomadas por e en beneficio da maioría traballadora.
A crise sistémica do capitalismo e a súa corrupción estrutural teñen caldo de cultivo na monarquía parlamentaria parida polo franquismo. A liquidación da institución monárquica, o libre exercicio do dereito á autodeterminación dos pobos, a democratización da xudicatura e do ensino, a creación de medios de comunicación veraces e plurais, así como a mellora das condicións de vida e traballo da clase obreira son parte da proposta republicana, da alternativa democrática.
A unidade do movemento republicano e a mobilización son necesarias para seguir avanzando.
A crise que a paguen os ricos
Queremos democracia, queremos a República!!