Quince executivos de Wall Street cobraron 100 millóns cada un en plena crise
Quince executivos de grandes firmas financeiras e construtoras levaron, cada un, máis de 100 millóns de dólares (máis de 79,9 millóns de euros) en compensacións e dividendos de accións mentres se xestaba a actual crise de mercados, afirma hoxe o diario The Wall Street Journal. "Catro deses executivos, incluídos os presidentes de Lehman Brothers e Bear Stearns, estiveron á fronte de compañías que foron á bancarrota ou viron unha caída do 90% na cotización das súas accións", engade o diario.