Achégase nota de prensa do próximo acto da Oliveira, que se celebrará este venres día 21, ás 20,30 horas, na Mediateca Municipal O Grilo de Cacheiras.
Trátase da proxección da longametraxe docuntal "O Novo Emden", coproducida por Saga TV e TVG, na que estará presente e fará unha introdución ao filme o director, Marcos Gallego.
Un cordial saúdo,
A directiva da Oliveira.
www.memoriateo.blogspot.com
As xornadas da Oliveira: Proxección de “O Novo Emden”
Venres, 21 de novembro
20, 30 horas
MEDIATECA MUNICIPAL O GRILO DE CACHEIRAS
A Oliveira de Teo convoca un novo acto de recuperación de memoria para este venres 21 de novembro, ás 20,30 horas, na Mediateca Municipal O Grilo de Cacheiras.
Trátase da proxección da longametraxe documental “O Novo Emden”, no que se conta da derrota do barco do mesmo nome, que saíu ao mar, con 18 homes a bordo, no mes de agosto de 1937, do porto d’O Grove. O documental de Saga TV, coproducido pola Televisión de Galicia, foi estreado n’O Grove en setembro do ano pasado. Unha semana despois, e máis adiante en diversas ocasións, foi emitido pola propia TVG.
En xuño do ano que andamos estreouse en Concarneau (Bretaña), e foi seleccionado no festival Memoriaimage que se celebra este mes en Reus (Cataluña) (www.memorimagefestival.org ) .
No acto da Oliveira en Cacheiras contaremos coa presenza do director, Marcos Gallego, que fará unha breve introdución ao seu filme.
A Oliveira convoca este novo acto coa mesma intención que se explica na páxina web do filme( www.novoemden.com ), no apartado de motivacións do director, onde se di:
“A intención última do documental “O NOVO EMDEN” é aportar unha nova ollada á nosa historia recente, a Historia de Galiza durante a II República e a Guerra Civil que ate agora foi construída de xeito incompleto, posto que nela omitiuse deliberadamente a visión dun sector da sociedade. Era pois unha historia construída por unha soa voz, a dos vencedores, e polo tanto necesariamente sesgada e interesada”.