Um grupo de amigas e amigos de Antom Árias Curto, organizad@s nos Centros Sociais A Revolta e Faísca de Vigo, estám a promover umha homenagem popular ao histórico militante independentista nascido na Terra de Lemos em 1944.
Com motivo da celebraçom do seu 65º aniversário, este acto pretende ser umha sentida homenagem a um dos co-fundadores do LAR e do EGPGC, para além de ter participado na gestaçom de muitos outros projectos políticos ligados à esquerda independentista nos últimos 35 anos. A homenagem celebrará-se em 4 de Julho a partir das 20:00 horas no CS Faísca de Vigo. Haverá actuaçons musicais, ceia e intervençons dum amplo número de pessoas que partilhárom com Antom Árias Curto multidom de experiências nos seus dilatados anos de militáncia.
O acto é totalmente aberto a qualquer pessoa que quera participar; porém, para participar na ceia é preciso anotar-se entre os dias 7 e 28 de junho no CS A Revolta ou no CS Faísca, ou bem pode enviar um correio de confirmaçom ao seguinte endereço electrónico: homenagemcurto@gmail.com. As vagas som limitadas. O custo da ceia rondará os 10 ou 12 euros. A comissom organizadora da homenagem avançará em próximas datas mais informaçom da homenagem.