MOVEMENTO OBREIRO: 5 MILLÓNS DE PARADOS

Movemento Obreiro: O INEM REXISTRA POR PRIMEIRA VEZ CINCO MILLÓNS DE DEMANDANTES DE EMPREGO  (http://www.pcpe.es)

Carlos Sánchez- COTIZALIA - 05/09/2009

O paro volve subir, como reflicten os rexistros do Inem; pero a realidade do mercado laboral aparece na letra pequena da información que proporciona o Ministerio de Traballo. En agosto, por primeira vez desde que existen este tipo de estatísticas, o número de traballadores que buscan un emprego rompeu a barreira dos cinco millóns. En concreto, e segundo os datos oficiais, os servizos públicos de emprego teñen inscritos 5.051.441 demandantes dun posto de traballo, moi por encima dos 3,63 millóns de desempregados que oficialmente recollen as listas do Inem.

A diferenza entre unha e outra cifra non ten que ver cunha basta manipulación das estatísticas oficiais, senón co feito de que os servizos de públicos de emprego exclúen das cifras oficiais a importantes colectivos. Nuns casos, debido a que xa ten un emprego. E noutros como consecuencia de que os demandantes reclaman condicións laborais que o Inem considera insuficientes, a pesar de tratarse en moitas ocasións de situacións de subemprego. No primeiro caso atópanse nada menos que 943.061 traballadores que xa teñen unha ocupación ou unha relación laboral (por pequena que sexa), pero que pretenden un novo emprego, xa sexa por razóns económicas ou de promoción profesional.

Os servizos públicos de emprego, igualmente, exclúen dos rexistros oficiais a outros 196.532 cidadáns cunha disposición limitada para aceptar un posto de traballo, xa sexa porque  queren traballar desde o seu domicilio, desde no estranxeiro ou mediante teletraballo.

O Inem, do mesmo xeito, exclúe a outros 282.768 cidadáns que non teñen un emprego, pero que ou ben realizan cursos de formación ou están inscritos no chamado TEASS, onde se inclúe aos traballadores agrícolas subsidiados (o antigo PER).

En total, isto significa que 1.422.361 traballadores están inscritos nas listaxes do Inem pero non aparecen como parados, o que pode explicar en parte o feito de que a diferenza entre o paro rexistrado e as cifras que ofrece a Enquisa de Poboación Activa sexa cada vez máis importante.

Ata o punto de que a EPA rexistra hoxe 508.420 desempregados máis dos que ofrecen os servizos públicos de emprego. Trátase dunha das maiores diferenzas da serie histórica, o que reflicte as limitacións do paro rexistrado para medir a evolución do mercado laboral. Sobre todo nun período como o actual, no que as escasas probabilidades de atopar un emprego desincentiva a procura dun posto de traballo a través das oficinas do Inem. Moitos deses traballadores, con todo, responden cando lles preguntan os encuestadores do INE que efectivamente se atopan sen traballo. Pero non pasan polas oficinas do paro.