ECUADOR-CONSTITUCIÓN
Correa celebra a "vitoria esmagadora" do Si á Constitución
O presidente de Ecuador, Rafael Correa, asegurou que foi contundente a aprobación popular á Constitución. "Ecuador decidiu un novo país, as estruturas vellas foron derrotadas", asegurou o mandatario.
"Cumprimos o mandato que nos deron o 26 de novembro de 2006, e agora sentemos as bases para un novo país", expresou Correa desde Guayaquil, onde espera os resultados oficiais.
Correa pronunciouse logo de coñecer que os resultados a boca de urna indicaban unha vitoria do Si cun 67 por cento dos votos.
A enquisadora Santiago Pérez recoñeceu como gañadora á opción do Si cun 67,6 por cento, fronte a un 23,8 por cento do Non.
Pola súa banda, a enquisadora CE Datos asegurou que a opción do Si obtivo un 69 por cento dos votos, contra un 26 por cento que preferiu a opción polo Non.
O propio sinal televisivo Ecuavisa recoñeceu que o referendo entregou un apoio á nova Constitución.
ao
28/09/2008
Audios dispoñibles:
|
|
