Aos deputados que se reclaman dos dereitos dos traballadores e os povos
Non ratifiquedes o Tratado de Lisboa!
O Governo de Zapatero xa enviou ás Cortes o proxecto de Lei Orgánica para a ratificación do novo Tratado Europeo (Tratado de Lisboa) Desde o día 9 de maio estase no prazo de apresentación de emendas na Comisión de Exteriores do Congreso.
509 compañeiros sindicalistas e militantes obreiros de 21 países da Europa fan un Chamamento aos traballadores e traballadoras da República de Irlanda para que voten NON no vindeiro referendo que terá lugar o 12 de xuño. Irlanda é o único país da Unión Europea obrigado constitucionalmente a someter a referendo o Tratado.
Os asinantes do estado español xunto con outros traballadores, chaman a agruparse, a tomar iniciativas e levar a cabo accions mobilizadoras para impedir a ratificación do tratado. formaron un comité para difundir e estender este chamado: "En defensa de todas as conquistas democráticas, sindicais, sociais e políticas, en defensa da soberanía e a fraternidade dos povos, por unha Europa de povos libres libremente unidos, dicímosvos: non ratifiquedes o Tratado de Lisboa." http://www.noconstitucioneuropea.org
Partido Comunista de Irlanda.
23 de maio de 2008
Camaradas.
A loita en Irlanda contra o Tratado de Lisboa intensifícase, á vez que contra todos os principais partidos do sistema, organizacións de empresarios que gastan millóns de euros na campaña do si. Os partidarios do non foron practicamente expulsados dos medios de comunicación pero iso non detivo ao movemento de base en todo o país.
O Congreso Irlandés de Sindicatos votou esta semana apoiar a campaña polo si pero logramos obter un importante número de votos polo non e abstencións. 14 sindicatos votaron si, 5 non e 8 abstivéronse, isto principalmente nos sindicatos de servizos públicos, coa abstención do maior sindicato do país, o SIPTU. É a primeira vez que logramos que unha sección importante do movemento sindical móvase dunha posición moi a favor da UE. Os sindicatos do non deixaron claro que farán campaña activa polo non.
A organización de campesiños Asociación Irlandesa de Agricultores (IFA) apareceu en abril chamando ao voto ao si, pero hoxe seis dirixentes da organización de agricultores chamaron publicamente a votar polo non.
Reflexo do crecemento do apoio de base ao NON.
Os socialdemócratas europeos están inxectando diñeiro a través do Partido Laborista para asegurar o voto ao sí. Todos os días atopámonos cun dirixente apoloxeta do capitalismo monopolista europeo que vén a Irlanda pedindo o voto ao sí mentres o Primeiro Ministro Brian Cowan admitía esta semana que non lera o Tratado.
Pedimos aos partidos e persoas que dean un paso e se solidarícen na medida que sexa co povo irlandés nesta loita tremendamente desigual. Se queren asistirnos con axuda material por favor contacten connosco para máis información.
Eugene Mc Cartan
Partido Comunista da Irlanda