Breves actualidade Galega
Antigo e coñecido guerrillero de Cristo Rey, Eloy Ruiz Cortadi, actual presidente de la “Asociación de Víctimas del Terrorismo de Galicia”, reprende ao Parlamento de Gasteiz polo seu reproche ao Goberno español por ampara- la tortura.
¿ACCIDENTES DE TRÁFICO?
Do artigo de Rafa Villar. “Eu acuso”.
A desgrazada morte nos últimos días de catro traballadores portugueses nas estradas galegas está a provocar unha (…)resposta que se limita a poñer máis controis de tráfico, por parte da Garda Civil, nas rutas dos operarios do país veciño que veñen a gañar o sustento a Galiza.
As razóns destes accidentes, asimilábeis en consecuencias laborais a un accidente de traballo)- haberá que buscalas (…)nas sempre extenuantes xornadas laborais que deben realizar, moitas veces de máis de dez horas e mesmo traballando sábados ou festivos(…) estes traballadores seguirán a ser invisíbeis para unhas administracións que escatiman esforzos en inspeccións laborais e que apenas son quen (…)de reducir todo o problema a unha cuestión, importante pero non fundamental, como a da seguridade viaria.
O pasado Domingo, 25 de Maio, xuntaronse arredor dunhas 30 persoas coa intención de ocupar un autobús de Vitrasa, empresa concesionaría do transporte urbano na cidade de Vigo. A acción, que se atopa dentro do marco da campaña de Precarias En Loita polo dereito ao transporte consistía en que un grupo de persoas subise de balde a unha liña do bus e tratar de conseguir chegar ate un lugar anteriormente acordado, reclamando desta maneira o noso dereito a disfrutar dun transporte colectivo que sexa público e gratuito.
Hai xa máis dun mes que se creou en Lalín a Plataforma Galega Anti-Transxénicos (galizasentransxenicos.org) a raíz do coñecemento dos grupos ecoloxistas de que se está experimentando en 8 concellos do pais con millo transxénico. Un movemento que se abre na Galiza seguindo as reivindicacións que xa se levan a cabo dende hai anos noutros lugares da xeografía planetaria.